విశ్వసుందరి ఫైనలిస్ట్, ఆస్ట్రేలియా మోడల్ అయిన సియెన్నా వీర్ (23) గుర్రపు స్వారీ ప్రమాదంలో ప్రాణాలు కోల్పోయింది. 2022లో విశ్వసుందరి పోటీల్లో ఫైనలిస్ట్‌గా అర్హతైన సియెన్నా వీర్.. విండ్సర్ పోలో గ్రౌండ్‌లో గుర్రపు స్వారీ చేస్తుండగా గుర్రంపై నుంచి కిందికి పడిపోయింది.
ఈ ఘటనలో తీవ్రంగా గాయపడిన ఆమె చికిత్స పొందుతూ ప్రాణాలు కోల్పోయింది. సియెన్నా వీర్‌కు చిన్నతనం నుంచే గుర్రపు స్వారీ అంటే ఎక్కువ ఇష్టం. అయితే ఆమెకు ఇష్టమైన హార్స్ రైడింగే ఆమె ప్రాణాలు తీసుకుందని ఆమె కుటుంబీకులు ఆవేదన వ్యక్తం చేస్తున్నారు.
