టీం ఇండియాకు గ్యారీ "సెక్స్" మంత్రం
పాకిస్తాన్ ఇచ్చిన షాక్ నుంచి విండీస్ తేరుకుందో లేదో గానీ... టీమ్ ఇండియా మాత్రం పాకిస్తాన్ ఆటతీరును ప్రత్యేకంగా విశ్లేషించింది. వాళ్లు రాణించడానికి కారణాలేమిటన్నదానిపై చర్చించింది. ఇదిలావుంటే ప్రస్తుతం టీం ఇండియా మైదానంలో చెత్త ఫీల్డింగ్ చేస్తుండటం పట్ల గ్యారీ కిర్‌స్టెన్ ఆందోళనలో ఉన్నట్లు భోగట్టా. భారత ఆటగాళ్ల ఆటతీరును మెరుగుపరచడానికి దారేమిటని పలువురు ఫిట్‌నెస్ నిపుణులను కిర్‌స్టెన్ సంప్రదించాడట. వారిచ్చిన సలహాలను ఇండియన్ ఆటగాళ్ల ముందు పెట్టాడు కిర్‌స్టెన్. అవేమిటంటే.. ఫీల్డింగ్ ప్రమాణాలు మెరుగుపడేందుకు బాగా సెక్స్‌లో పాల్గొనాలన్నది. సాధ్యమైనంత ఎక్కువ సమయం సెక్స్‌లో పాల్గొనమని కిర్‌స్టెన్ భారత క్రికెటర్లకు సూచించాడు. మంచి శృంగార జీవితం ఫీల్డింగ్ ప్రమాణాలు పెంచుకునేందుకు ఉపయోగపడుతుందని చెప్పాడు.కోచ్ గ్యారీ కిర్‌స్టెన్, మానసిక నిపుణుడు పాడీ ఉప్తోన్ టీం ఇండియా ఆటగాళ్లకు పంచిపెట్టిన రహస్య పత్రాల్లో శృంగార జీవితంపై దృష్టి సారించడం వలన చేకూరే ప్రయోజనాలను వివరించినట్లు సమాచారం. ఇదిలా ఉంటే టీం ఇండియా దక్షిణాఫ్రికాలో జరుగుతున్న ఛాంపియన్స్ ట్రోఫీలో తన తొలి మ్యాచ్‌లో శనివారం చిరకాల ప్రత్యర్థి పాకిస్థాన్‌ను ఢీకొనబోతుంది. మరి కిర్ స్టెన్ శృంగార మంత్రం ఎంత మేరకు పనిచేస్తుందో వేచి చూడాలి.
