పొడిదగ్గు వచ్చిందంటే ఒక పట్టాన వదలదు. ముఖ్యంగా రాత్రివేళ ఎక్కువ ఇబ్బంది పెడుతోంది. నిద్రపట్టనివ్వదు. పొడిదగ్గు ఎక్కువగా బాధిస్తుంటే ఈ చిట్కాలు పాటించండి.
* గ్లాసు నీటిని గోరు వెచ్చగా వేడి చేసి చిటికెడు ఉప్పు వేసి పుక్కిలించాలి.
* గ్లాసు నీటిలో నిమ్మరసం, తేనె కలుపుకుని తాగితే కూడా ఫలితం ఉంటుంది.
* వేడి పాలలో ఒక స్పూన్‌ తేనె కలుపుకుని తాగితే పొడి దగ్గునుంచి త్వరిత ఉపశమనం కలుగుతుంది.
* అరకప్పు నీటిలో ఒక స్పూన్‌ పసుపు, ఒక స్పూన్‌ మిరియాల పొడి, ఒక స్పూన్‌ తేనె వేసి మరిగించి ఆ మిశ్రమాన్ని తీసుకోవాలి.
* దగ్గు విడవకుండా వస్తున్నట్లయితే టేబుల్‌స్పూన్‌ తేనె తీసుకుంటే మంచిది.
* నిద్రించే ముందు అల్లం టీ తాగితే మంచిది.
* దగ్గు బాధిస్తున్నప్పుడు ఫ్లాట్‌గా ఉన్న బెడ్‌పై పడుకోకుండా తలపై దిండ్లను ఎత్తుగా పెట్టుకోవాలి. దీనివల్ల గొంతులో కొంచెం గరగర రాకుండా ఉంటుంది.
