శరీరానికి కావాల్సిన పోషకాలను అందించేది గుడ్డు. పేదవాడికి ఇది మాంసంతో సమానం. ఇందులో ప్రోటీన్లు, కొవ్వులు అధికంగా ఉంటాయి. ఇవి శరీర నిర్మాణానికి ఎంతగానో దోహదం చేస్తాయి. కోడిగుడ్ల‌లో ఉండే కాల్షియం ఎముక‌ల‌కు బ‌లాన్నిస్తుంది.
అయితే, ఈ గుడ్లు రెండు రంగుల్లో కనిపిస్తుంటాయి. ఒకటి తెల్ల గుడ్డు కాదా. మరొకటి గోధుమ రంగులో ఉండే గుడ్డు. నాటు కోడి పెట్టిన గుడ్డు గోధుమ వర్ణంలోనూ బాయిలర్ కోడి పెట్టిన గుడ్డు తెలుపు రంగులో ఉంటుంది. మ‌రి కోడిగుడ్ల‌లో ఈ తేడాలెందుకు..? ఎలాంటి రంగు ఉన్న కోడిగుడ్ల‌ను తింటే ఎలాంటి లాభం కలుగుతుందో పరిశీలిద్ధాం.
* సాధారణంగా కోడిగుడ్లు తెలుపు రంగులోనే ఉంటాయి. అయితే వాటికి పెట్టే తిండి కార‌ణంగా గుడ్ల రంగు మారుతుంది. ఎక్కువ‌గా మొక్క‌జొన్న సంబంధిత ఆహారం పెడితే కోళ్లు పెట్టే గుడ్లు గోధుమ రంగులో ఉంటాయి. అందుకే ఆ గుడ్ల‌లో ఉండే ప‌చ్చ‌సొన కూడా బాగా చిక్క‌గా ఉంటుంది. రుచి విష‌యానికి వ‌స్తే తెలుపు క‌న్నా గోధుమ రంగు గుడ్లే ఎక్కువ రుచిగా ఉంటాయి.
* ఇక పోష‌కాల విష‌యానికి వ‌స్తే గోధుమ రంగు గుడ్ల‌లోనే ఎక్కువ పోష‌కాలు ఉంటాయని శాస్త్రవేత్తలు చెబుతున్నారు. సాధార‌ణ గుడ్ల‌లో క‌న్నా కొన్ని రెట్లు ఎక్కువ ఒమెగా 3 ఫ్యాటీ యాసిడ్లు గోధుమ రంగు గుడ్ల‌లో ఉంటాయి. క‌నుక తెలుపు రంగు గుడ్ల క‌న్నా గోధుమ రంగు గుడ్లే బెట‌ర్‌.
