డ్రై ఫ్రూట్స్‌లో ఖనిజాలు, ప్రొటీన్లు, ఫైబర్, విటమిన్లు పుష్కలంగా ఉంటాయి. ఇవి పౌష్టికాహారమే కాదు, రుచికరంగానూ ఉంటాయి. డ్రై ఫ్రూట్స్ ఎక్కువగా రోజువారీ స్నాక్స్‌కు అద్భుతమైన, ఆరోగ్యకరమైన ప్రత్యామ్నాయం.
డ్రై ఫ్రూట్స్ రోజువారీ ఆహారంలో చేర్చుకుంటే.. శరీరంలో శక్తి పెరుగుతుంది. ఇవి మంచి జీర్ణక్రియను మెరుగుపరుస్తాయి. డ్రై ఫ్రూట్స్, చర్మం, జుట్టుకు కూడా అద్భుతాలు చేస్తాయి. డ్రై ఫ్రూట్స్‌ను ఖాళీ కడుపుతో తీసుకోవడం ద్వారా ఏర్పడే ప్రయోజనాలేంటో చూద్దాం..
రోజువారీ ఆహారంలో డ్రై ఫ్రూట్స్ చేర్చుకోవాలి. డ్రై ఫ్రూట్స్‌ని ఖాళీ కడుపుతో తింటే దాని ప్రయోజనాలను పెంచుతాయి. బాదంలో మాంగనీస్, విటమిన్ ఇ, ప్రొటీన్, ఫైబర్, ఒమేగా-6 ఫ్యాటీ యాసిడ్ పుష్కలంగా ఉన్నాయి.
బాదం పప్పులను రాత్రంతా నీటిలో నానబెట్టి, ఆపై ఉదయాన్నే తీసుకోవాలి. నానబెట్టిన బాదం సరైన పోషకాహారాన్ని అందించడంలో సహాయపడుతుంది.
జీడిపప్పు - జీడిపప్పులో ఆరోగ్యకరమైన కొవ్వు ఉంటుంది. ఆరోగ్యకరమైన కొవ్వు నేరుగా ఆరోగ్యకరమైన గుండెతో ముడిపడి ఉంటుంది. జీడిపప్పులో కొలెస్ట్రాల్ ఉండదు, ఇది గుండె పనితీరును పెంచడానికి అవసరమైన పోషకాలను అందించడంలో సహాయపడుతుంది. ప్రతిరోజూ 4-5 జీడిపప్పులను ఖాళీ కడుపుతో తీసుకోవడం కూడా సరైన బరువు నిర్వహణకు సహాయపడుతుంది.
వాల్‌నట్స్‌: గుండె-ఆరోగ్యకరమైన కొవ్వులు, యాంటీఆక్సిడెంట్లు అధికంగా ఉంటాయి. క్రమం తప్పకుండా వాల్‌నట్‌లను తినడం మెదడు ఆరోగ్యాన్ని మెరుగుపరచడంలో గుండె జబ్బులు, క్యాన్సర్ ప్రమాదాన్ని తగ్గించడంలో సహాయపడుతుంది. ఒక గిన్నె నీటిలో 2-4 వాల్‌నట్‌లను రాత్రంతా నానబెట్టి, వాటి తొక్కను తీసి ఖాళీ కడుపుతో తీసుకోవాలి.
ఎండుద్రాక్షలో ఐరన్, విటమిన్ బి అధికంగా ఉంటాయి. ఇవి రక్తహీనతను అంటే శరీరంలో హిమోగ్లోబిన్ లోపాన్ని నయం చేయడంలో సహాయపడతాయి. ఖాళీ కడుపుతో ఎండుద్రాక్ష తినడం వల్ల రక్తపోటు, రక్తంలో చక్కెరను తగ్గించడం ద్వారా గుండె జబ్బుల ప్రమాదాన్ని తగ్గించడంలో సహాయపడుతుంది.
