గోరుచిక్కుడుతో రకరకాలు వంటకాలు చేస్తాము. కానీ, వీటిని తినడానికి అంతగా ఇష్టపడరు. ఈ చిక్కుడులోని ఉపయోగాలు తెలుసుకుంటే.. కచ్చితంగా దీనిని తినాలనిపిస్తుంది. గోరుచిక్కుడులో క్యాలరీలు చాలా తక్కువ. అంతేకాదు.. ప్రోటీన్స్, మినరల్స్, విటమిన్, ఫైబర్ వంటివి ఉన్నాయి. వీటిలో వున్న ఖనిజాలు గుండె వ్యాధులు దరిచేరకుండా చేస్తాయి. గోరుచిక్కుడు తీసుకోవడం వలన కలిగే లాభాలు ఓసారి చూద్దాం...
1. మధుమేహ వ్యాధి నుండి విముక్తి లభించాలంటే.. గోరుచిక్కుడు తీసుకోవాలి. లేదంటే ఈ సమస్యను పరిష్కరించేందుకు చాలా కష్టంగా ఉంటుంది. పావుకప్పు చిక్కుడు తీసుకుని వాటిని చిన్న చిన్నవిగా కట్ చేసుకోవాలి. ఆపై శుభ్రం చేసి.. ఆ తరువాత అందులో స్పూన్ ఉప్పు వేసి ఉడికించాలి. ఈ చిక్కుడుల్లో కొద్దిగా కారం, కరివేపాకు వేసి వేయించుకుని తీసుకుంటే రుచిగా ఉంటుంది.
2. గర్భిణులు ఇలా చేసిన గోరుచిక్కుడు తీసుకుంటే.. శిశువు ఆరోగ్యానికి మంచిగా పనిచేస్తుంది. గోరుచిక్కుడులోని పొటాషియం, ఫైబర్ శరీరంలోని చెడు వ్యర్థాలను తొలగిస్తాయి. ఎముకలు బలంగా ఉండాలంటే.. గోరుచిక్కుడు తీసుకోవాల్సిందే.. దీనిలోని క్యాల్షియం కండరాలకు బలం చేకూర్చుతుంది.
3. హిమోగ్లోబిన్ శాతాన్ని పెంచుతుంది. రక్తప్రసరణ సాఫీగా జరిగేలా చేస్తుంది. గోరుచిక్కుడుతో తయారుచేసిన వంటకాలు తీసుకుంటే శరీరంలో ముందున్న రక్తం కంటే రెట్టింపవుతుంది. కనుక రోజు చిక్కుడు తీసుకోవడం మరచిపోకండి.
4. గర్భిణిగా ఉన్న స్త్రీలు ఉడికించిన గోరుచిక్కుడ్లో కొద్దిగా ఎండుమిర్చి పొడి కలిపి సేవిస్తే వాంతి సమస్య నుండి ఉపశమనం లభిస్తుంది. చిక్కుడులోని ఐరన్, క్యాల్షియం స్త్రీలకే మరింత ఆరోగ్యాన్ని అందిస్తాయి.
