కొబ్బరి నూనె జుట్టుకు పోషణ అందిస్తుందని మనకు తెలుసు. దీని వలన అనేక ఆరోగ్య ప్రయోజనాలు ఉన్నాయి. కొబ్బరి నూనె చాలా వ్యాధులకు ఔషధంగా పనిచేస్తుంది. కేరళలో కొబ్బరి నూనెతో చేసిన ఆహారాన్ని ఎక్కువగా తీసుకుంటారు. అందువల్ల మిగతా రాష్ట్రాలతో పోలిస్తే కేరళలో గుండె జబ్బులు చాలా తక్కువుగా ఉంటున్నాయని పరిశోధనలో తేలింది.
కొబ్బరి నూనెను ఆహారంలో భాగం చేసుకోవడం వల్ల బరువు తగ్గవచ్చు. జీర్ణ వ్యవస్థను ఇది మెరుగుపరుస్తుంది. ఇంకా చాలా ప్రయోజనాలు కొబ్బరి నూనె వలన మనకు అందుతాయి. కొబ్బరి నూనెలో యాంటీ బ్యాక్టీరియల్ మరియు యాంటీ ఫంగల్ లక్షణాలు సమృద్ధిగా ఉంటాయి. ఇందులో ఉండే లారిక్ యాసిడ్ బ్యాక్టీరియా, వైరస్ మరియు ఇతర హానికర శిలీంద్రాల నుండి శరీరాన్ని కాపాడుతుంది.
కొబ్బరి నూనె వాడకం వలన అనేక రకాల అంటువ్యాధులను తరిమి కొట్టవచ్చు. ఇందులో ఉండే కొవ్వు ఆమ్లాలు కాలేయ సంబంధిత వ్యాధులు రాకుండా కాపాడతాయి. అంతేకాకుండా మూత్రపిండాలలో ఉన్న రాళ్లను, పిత్తాశయంలో ఎదురయ్యే సమస్యలను నివారించడంలో సహాయపడుతుంది. మన శరీరంలో మంచి కొలెస్ట్రాల్ పెరిగేందుకు కొబ్బరి నూనె సహాయపడుతుంది.
ఇందులో ఉండే శ్యాచురేటెడ్ ఫ్యాట్స్ గుండెకు మేలు చేస్తాయి. అలాగే ఇందులో ఉండే లారిక్ యాసిడ్ కొలెస్ట్రాల్, రక్తపోటు వల్ల గుండెకు హాని కలుగకుండా రక్షణనిస్తుంది. కొబ్బరినూనె దంతక్షయాన్ని నివారిస్తుంది. మెదడు కణాలకు శక్తినందించి అల్జీమర్స్ బారి నుండి కాపాడుతుంది. శరీర కండరాలను బలోపేతం చేస్తుంది.
అలాగే క్యాన్సర్ కణితులను ప్రేరేపించే కణాలను నాశనం చేసే శక్తి కొబ్బరినూనెకు ఉంది. శరీరంలోని రోగనిరోధక శక్తిని పెంచుతుంది. ఒత్తిడి అందోళన వంటి సమస్యలను దూరం చేస్తుంది. దేహ కాంతిని పెంచి ఆరోగ్యవంతమైన చర్మాన్ని అందిస్తుంది. జుట్టు పెరుగుదలకు సహాయపడుతుందని ఆయుర్వేద నిపుణులు సూచిస్తున్నారు.
