ప్రపంచ శృంగార దేవతగా బాలీవుడ్ ముద్దుగుమ్మ కత్రినా కైఫ్ మరోమారు ఎంపికయ్యారు. ఈ ముద్దుగుమ్మకు మించిన మరొక సెక్సీయెస్ట్ అందగత్తే ఈ భూలోకంపై లేదని ఈ ఎఫ్‌హెచ్ఎం మ్యాగజైన్ నిర్వహించిన సర్వే తేల్చింది. ఈ సర్వేలో పాల్గొన్న వారంతా మత్తెక్కించే కైఫ్‌కే తన ఓటు వేసి అభిమానాన్ని చాటుకున్నారు.
ఈ సర్వేను ఆన్‌లైన్, ఎస్ఎంఎస్‌ల ద్వారా నిర్వహించారు. ఈ పోల్‌లో 35 వేల మంది తమ అభిప్రాయాలు వెల్లడించారు. పదిహేడేళ్లుగా తాము ఈ పోల్ నిర్వహిస్తున్నామని, తమ పోల్‌లో మూడుసార్లు మొదటి స్థానంలో నిలిచి కత్రినా రికార్డు నెలకొల్పారని ఎఫ్‌హెచ్ఎం ఎడిటర్ కబీర్ శర్మ తెలిపారు.
2008, 2009లతోపాటు ఈ ఏడాది కూడా ప్రపంచ శృంగార మహిళగా కత్రినాయే ఎన్నికైందని గుర్తు చేసిన ఆయన 2010లో మాత్రం దీపికా పదుకొనే ఎన్నికైనట్టు ఆయన వివరించారు. మొత్తం మీద వయస్సు మీదపడుతున్న కత్రికా కైఫ్ అందాలు మాత్రం మరింత ఆకర్షణీయంగా మారుతుండటం గమనార్హం.
