పాములకు సంబంధించిన వీడియోలు నెట్టింట రోజుకు ఎన్నో పుట్టుకొస్తున్నాయి. ఇప్పటికే నివాస ప్రాంతాల్లోకి వచ్చే పాములను పట్టుకునే వాళ్లు వాటిని చాకచక్యంగా నివాస ప్రాంతాల్లోనుంచి అటవీ ప్రాంతాల్లో వదిలిపెట్టిన సందర్భాలున్నాయి. ఈ వీడియోలు నెట్టింట వైరల్ అవుతున్నాయి. తాజాగా ఓ స్నేక్ క్యాచర్ కోబ్రాను పట్టుకునేందుకు విశ్వ ప్రయత్నాలు చేస్తున్నాడు.
ప్రజలు నివాసం వుండే ప్రాంతానికి కోబ్రా రావడంతో జనం జడుసుకున్నారు. దీంతో అటవీ శాఖకు సమాచారం అందిచారు. వెంటనే స్నేక్ క్యాచర్ ఆ ప్రాంతానికి చేరుకుని.. ఆ పామును పట్టుకునేందుకు తోకను పట్టుకున్నాడు.
ఆ తోకను పట్టుకున్నాడు కానీ.. కోబ్రా మాత్రం అతనికి పడగ చూపెట్టింది. "నన్నే పట్టుకుంటావట్రా" అన్నట్లు పడగ విప్పి భయపెట్టింది. అతని చేతి నుంచి తప్పుకుంది. దీంతో స్నేక్ క్యాచర్‌కు కాస్త భయపట్టుకుంది. ఈ వీడియో నెట్టింట వైరల్ అవుతోంది.
