మాజీ ఇంగ్లండ్ కోచ్ డంకన్ ఫ్లెచర్ క్రీడాస్ఫూర్తి గురించి ఆస్ట్రేలియా జట్టుకు మాట్లాడటం విడ్డూరంగా ఉందంటూ చేసిన వ్యాఖ్యలను రికీ పాంటింగ్ తిప్పికొట్టాడు. తొలి టెస్ట్ సందర్భంగా ఇంగ్లండ్ క్రీడాస్ఫూర్తికి విరుద్ధంగా ఆడిందని పాంటింగ్ అసహనం వ్యక్తం చేసిన సంగతి తెలిసిందే.
మైదానంలోకి ఆటగాళ్లను, ఫిజియోను పంపడం ద్వారా ఇంగ్లండ్ కాలాన్ని వృథా చేసేందుకు ప్రయత్నించిందని పాంటింగ్ చేసిన వ్యాఖ్యలు దుమారం లేపాయి.
దీనిపై ఫ్లెచర్ మాట్లాడుతూ.. క్రీడా స్ఫూర్తి గురించి మాట్లాడే హక్కు ఆస్ట్రేలియన్లకు లేదని, ప్రపంచంలో అన్న జట్లు కంటే ఆస్ట్రేలియన్లే క్రీడాస్ఫూర్తి ఎన్నోసార్లు ఉల్లంఘించాలని విమర్శించారు. ఫ్లెచర్ వ్యాఖ్యలపై పాంటింగ్ స్పందించాడు. ఫ్లెచర్ దీనితో సంబంధంలేని వ్యక్తి అంటూ పాంటింగ్ ఘాటుగా సమాధానమిచ్చాడు.
