ఫిట్నెస్‌తోనే మంచి ఆలోచనలు : విరాట్ కోహ్లీ
టీమిండియా కెప్టెన్ విరాట్ కోహ్లీ.. ఇప్పుడు దేశంలోని ఎంతో మంది యువతకు స్ఫూర్తిదాయకం. అలాంటి కోహ్లీ తాగాజా ఇచ్చిన ఇంటర్వ్యూలో తన అంతరంగాన్ని ఆవిష్కరించారు. ఈ ఇంటర్వ్యూలో ఆయన అనేక అంశాలపై స్పందించారు.
టీమిండియా కెప్టెన్ విరాట్ కోహ్లీ.. ఇప్పుడు దేశంలోని ఎంతో మంది యువతకు స్ఫూర్తిదాయకం. అలాంటి కోహ్లీ తాగాజా ఇచ్చిన ఇంటర్వ్యూలో తన అంతరంగాన్ని ఆవిష్కరించారు. ఈ ఇంటర్వ్యూలో ఆయన అనేక అంశాలపై స్పందించారు.
ముఖ్యంగా, ఫిట్నెస్‌పై కోహ్లీ స్పందిస్తూ, ఏ మనిషి అయినా ఫిట్‌గా ఉంటేనే మంచి ఆలోచనలు వస్తాయి. ఆత్మవిశ్వాసం పెరుగుతుంది. నా ఫిట్నెస్ పెరిగే కొద్దీ నేను వీటిని గమనించాను. మనపై మనకు విశ్వాసం పెరుగుతుంది. మంచి ఆలోచనలు రావాలంటే ముందు మనం బాగుండాలి. అందుకే ఫిట్‌గా ఉండాలని నేను అందరికీ చెబుతుంటా అని వివరించారు.
అలాగే, తాజాగా నిర్వహించిన ఓ సర్వేలో నేటి యువత రోజూ నాలుగు నుంచి 5 గంటల పాటు స్మార్ట్‌ఫోన్లతో గడుపుతున్నారని తేలింది. ఇది చాలా ప్రమాదకరమన్నారు. మానసిక, శారీరక వృద్ధికి ఏం చేయాలో అది చేయడం లేదన్నారు. నా చిన్నతనంలో సాధ్యమైనంత వరకు ఆరుబయట ఆడుకోవడానికే ప్రాధాన్యమిచ్చేవాళ్లం. వారాంతపు రోజుల్లో స్పోర్ట్స్ కాంప్లెక్స్‌లలో గడిపేవాళ్లం అని కోహ్లీ వివరించాడు.
అదేవిధంగా యువత చిన్నవయసు నుంచే పక్కా ప్రణాళికతో ముందుకు సాగాలన్నారు. పూర్తిగా స్మార్ట్‌ఫోన్లకే బానిసైపోకుండా ఎప్పుడు ఏం చేయాలో ఒక ప్రణాళిక వేసుకోండి. ఎప్పుడు బయటకెళ్లి ఆడుకోవాలి. ఎప్పుడు హోంవర్క్ చేసుకోవాలి.. ఎప్పుడు వీడియో గేమ్స్ ఆడాలి.. ఇలా అన్నింటినీ బ్యాలెన్స్ చేసుకుంటేనే మంచి పౌరుడిగా ఎదుగుతారు అని కోహ్లీ వివరించాడు.
