టొయోటా కిర్లోస్కర్ మోటర్(టికెఎం) ఈ రోజు అర్బన్ క్రూయిజర్ హైరైడర్ భారతదేశంలో 1,00,000-యూనిట్ అమ్మకాల యొక్క మైలురాయిని అధిగమించిందని ప్రకటించింది. ఈ విజయం బి-ఎస్యువి యొక్క బలమైన మార్కెట్ అంగీకారాన్ని, హైబ్రిడ్ టెక్నాలజీకి పెరుగుతున్న భారతీయ కస్టమర్ల ఆదరణను నొక్కి చెబుతుంది.
జూలై 2022లో విడుదల చేయబడిన అర్బన్ క్రూయిజర్ హైరైడర్ టొయోటా యొక్క ప్రపంచ-స్థాయి హైబ్రిడ్ సాంకేతికతను డైనమిక్ డిజైన్, ప్రీమియం సౌలభ్యం మరియు అసాధారణమైన పనితీరుతో సజావుగా మిళితం చేస్తుంది. ఇది మూడు పవర్‌ట్రెయిన్‌లలో లభిస్తుంది- సెల్ఫ్-చార్జింగ్ స్ట్రాంగ్ హైబ్రిడ్ ఎలక్ట్రిక్, నియో డ్రైవ్ మరియు CNG పవర్‌ట్రెయిన్‌లు.
అర్బన్ క్రూయిజర్ హైరైడర్లో అత్యంత కీలకంగా టీహెచ్ఎస్ (టొయోటా హైబ్రిడ్ సిస్టమ్) & ఇ-డ్రైవ్ ట్రాన్స్‌మిషన్‌తో దాని 1.5-లీటర్ ఇంజన్ ఉంది, ఇది 85 kW యొక్క కంబైన్డ్ పవర్ అవుట్‌పుట్‌ను అందిస్తుంది. హైరైడర్ యొక్క హైబ్రిడ్ సిస్టమ్ బాహ్య ఛార్జింగ్ అవసరాన్ని తొలగిస్తుంది, వినియోగదారులకు అన్ని సమయాల్లో సౌకర్యం నిర్ధారిస్తుంది.
అర్బన్ క్రూయిజర్ హైరైడర్ అసాధారణమైన విలువను అందించడానికి రూపొందించబడింది, అత్యుత్తమ ఇంధన సామర్థ్యంతో అధునాతన సౌలభ్యం, పనితీరు లక్షణాలను సజావుగా మిళితం చేస్తుంది. పర్యావరణ అనుకూల మొబిలిటీకి టికెఎం యొక్క నిబద్ధతను ప్రతిబింబిస్తూ, ఎస్ యువి క్లాస్-లీడింగ్ మైలేజీని అందిస్తుంది: సెల్ఫ్ ఛార్జింగ్ హైబ్రిడ్ ఎలక్ట్రిక్ వెహికల్ వేరియంట్‌లో 27.97 km/l వరకు, నియోడ్రైవ్ (MT)లో 21.12 km/l మరియు CNG మోడ్ లో 26.6 km/kg/ అందిస్తుంది.
ఈ మైలురాయిపై టొయోటా కిర్లోస్కర్ మోటార్ సేల్స్-సర్వీస్-యూజ్డ్ కార్ బిజినెస్ వైస్ ప్రెసిడెంట్ శబరి మనోహర్ మాట్లాడుతూ, “అర్బన్ క్రూయిజర్ హైరైడర్‌కు వచ్చిన సానుకూల స్పందన భారతీయ వినియోగదారుల అభివృద్ధి చెందుతున్న ప్రాధాన్యతలకు అనుగుణంగా వినూత్న మొబిలిటీ సొల్యూషన్‌లను అందించడంలో మా నిబద్ధతను ప్రతిబింబిస్తుంది. ఈ మైలురాయి కేవలం సంఖ్య కాదు; ఇది స్థిరత్వం, పనితీరు మరియు కస్టమర్ సంతృప్తికి ప్రాధాన్యతనిచ్చే ఎస్యువి టెక్నాలజీలో కొత్త శకానికి నాంది పలికింది. ఈ మైలురాయిని సాధించడంలో కీలకపాత్ర పోషించిన మా కస్టమర్లకు మేము మా హృదయపూర్వక కృతజ్ఞతలు తెలియజేస్తున్నాము.." అని అన్నారు
