ముఖం పొడిబారకుండా కుంకుమపువ్వు ఫేస్ ప్యాక్
* శీతాకాలంలో ముఖం పొడిబారి పొలుసులుగా ఊడిపడుతూ, చిరాకు పెట్టిస్తోందా? మరేం ఫర్వాలేదు. పొడిబారిన చర్మాన్ని సున్నితంగా మార్చేందుకు మార్కెట్లో దొరికే క్రీముల జోలికి వెళ్లకుండా, ఎంచక్కా ఇంట్లోనే దొరికే వస్తువులతో ఫేస్ ప్యాక్ చేసుకుంటే సరిపోతుంది. మరి అదెలా చేయాలో చూద్దామా..?!* కుంకుమపువ్వు-గంధం ఫేస్ ప్యాక్ తయారీకి కావాల్సిన పదార్థాలేంటంటే.. కుంకుమపువ్వు కాస్తంత, గంధంపొడి ఒక టీస్పూన్, పాలు రెండు టీస్పూన్లు. ఒక చిన్న బౌల్, కలిపేందుకు ఒక చెమ్చా.* కుంకుమపువ్వు, గంధం పొడిని పాలలో కలిపి బాగా రంగరించాలి. ముఖాన్ని శుభ్రం చేసుకున్న తరువాత ఈ మిశ్రమాన్ని ముఖానికి బాగా పట్టించి, ఓ 20 నిమిషాలపాటు అలాగే ఉంచి, ఆ తరువాత పరిశుభ్రమైన నీటితో కడిగేసుకోవాలి. ఇలా క్రమం తప్పకుండా వారానికి రెండు లేదా మూడుసార్లు చేసినట్లయితే ముఖ సౌందర్యం ఇనుమడిస్తుంది.
