జాస్మిన్ ఆయిల్ ఇంట్లోనే చేయడం ఎలాగో తెలుసా?
మల్లెలకు మానసిక ప్రశాంతతను ఇచ్చే సుగుణం వుంది. అలాగే మల్లెల నూనెను వాడటం ద్వారా ఆరోగ్యానికే కాకుండా మానసిక ఆహ్లాదం చేకూరుతుంది. మల్లె నూనె మనసును ఆహ్లాదంగా మార్చుతుంది. అలాంటి మల్లెలతో నూనె ఎలా చేయాలం
మల్లెలకు మానసిక ప్రశాంతతను ఇచ్చే సుగుణం వుంది. అలాగే మల్లెల నూనెను వాడటం ద్వారా ఆరోగ్యానికే కాకుండా మానసిక ఆహ్లాదం చేకూరుతుంది. మల్లె నూనె మనసును ఆహ్లాదంగా మార్చుతుంది. అలాంటి మల్లెలతో నూనె ఎలా చేయాలంటే..? గుప్పెడు మల్లెలను నలగ్గొట్టినట్లు చేసి ఆలివ్ నూనెలో వేయాలి. రెండు రోజుల తర్వాత వడగడితే సరిపోతుంది. అంతే మల్లెల నూనె రెడీ అయినట్లే.
అలాగే గులాబీ నూనెను ఎలా చేయాలంటే.. ఒక కప్పు గులాబీ రేకులను తీసుకుని కచ్చాపచ్చాగా చేసుకుని వాటిని ఒక కప్పు కొబ్బరి నూనెలో వేయాలి. ఒక రోజు మొత్తం అలానే వుంచి మరుసటి రోజు వడగట్టాలి. మళ్లీ అదే నూనెలో ఇంకాస్త గులాబీ రేకుల ముద్ద వేయాలి. ఇలా నూనెకు మంచి వాసన వచ్చేవరకు కనీసం నాలుగైదు సార్లు వేస్తే రోజ్ ఆయిల్ రెడీ అయినట్లే.
ఇక దంతాలకు మేలు చేసే లవంగం నూనెను ఇంట్లోనే ఎలా చేసుకోవాలంటే..? చిన్న గాజుసీసా తీసుకుని అందులో సగం వరకు ఆలివ్ ఆయిల్ పోయాలి. గుప్పెడు లవంగాలు వేసి పదిరోజుల వరకు వెలుతురు లేని చోట వుంచాలి. ఆ తర్వాత బయటకుతీసి నూనెను వడగడితే.. లవంగాల నూనె సిద్ధమైనట్లే. ఈ నూనెతో దంతాలకు మాసానికి రెండుసార్లు తోమితే దంతాలు మెరిసిపోతాయి. చిగుళ్ల వ్యాధులుండవని ఆయుర్వేద నిపుణులు సూచిస్తున్నారు.
