బీపీ అంటే బ్లడ్ ప్రెషర్ (బీపీ). దీనినే హైపర్ టెన్షన్ అనికూడా అంటారు. హైపర్ టెన్షన్ ఉన్నవాళ్ళు సాధారణమైన యోగాసనాలు చేయవచ్చు. ఇవి చేసేటప్పుడు ఆయాసం రాకుండా చూసుకోవడం ఎంతో ఉత్తమం. బీపీ ఉన్నవారు వేయకూడని ఆసనాలు కొన్నివున్నాయి. ఉదా:- పశ్చిమోత్తాసనము, పాదహస్తాసనం, శీర్షాసనం, సర్వాంగాసనాలు వేయకూడదు.
కారణం ఈ ఆసనాలు వేస్తే రక్తం అధికంగా తల లోపలికి ప్రయాణం చేస్తుంది. కాబట్టి ఈ ఆసనాలు వేయకూడదు. ఇలాంటి ఆసనాలు వేస్తే తలలోని రక్తనాళాలు చిట్లే అవకాశంవుందని పరిశోధనలు చెబుతున్నాయి. బీపీ తగ్గడంకోసం చేస్తున్న ఏ ఆసనం వేస్తున్నప్పుడయినా సరే మీకు కాస్త అలసటగా అనిపిస్తే వెంటనే శవాసనం వేయడం అత్యుత్తమని విశ్లేషకులు అభిప్రాయపడుతున్నారు.
శవాసనంలో వీలయినంత సేపు ఉండడంకోసం మీ శ్వాసని లెక్క పెట్టడం మొదలు పెట్టి గాలి బయటకు వెళ్ళినప్పుడు పొట్ట లోపలికి వెళుతుంది. అప్పుడు ఒకటి అని లెక్కపెట్టి మళ్ళీ పొట్ట లోపలికి వెళ్ళినప్పుడు రెండు అని లెక్కపెడుతూ 10 వరకు లెక్క పెట్టి మళ్ళీ 10 నుంచి 1 వరకు లెక్కపెడితే చాలా తొందరగా రిలాక్స్ అవుతారని వ్యాయామ పరిశోధకులు పేర్కొన్నారు.
శవాసనం ప్రతిరోజూ 10 నిమిషాలు చేయటంవలన అధిక బీపీ ఉన్నవారిలో అత్యుత్తమమైన ఫలితాలు వస్తాయని పరిశోధకులు తెలిపారు. ప్రాణాయామంలో ముఖ్యమైనవి డయాప్రమేటిక్ బ్రీథింగ్‌ను గమనించడం.
సుఖ ప్రాణాయామం, భారీ ప్రాణాయామం, ఉజ్జయి ప్రాణాయామం ప్రతి రోజూ చేయాలని విశ్లేషకులు అభిప్రాయపడుతున్నారు. ఇలా చేయడంవలన అధిక బీపీ తగ్గడమే కాకుండా సీరమ్ లిపిడ్స్‌లో మంచి మార్పులు సంభవించాయని వారు పేర్కొన్నారు.
