ఖచ్చితమైన శరీర ఆకృతికోసం చేసే వ్యాయామం మరియు యోగా, క్రమబద్ధమైన ఆహారపుటలవాట్లు అన్నీ కలిసి తన శరీర ఆకృతిని ఆకర్షణీయంగా చేస్తున్నాయని 33 ఏళ్ల బాలీవుడ్ పొడుగుకాళ్ల సుందరి శిల్పా శెట్టి చెపుతోంది. ఇటీవల యోగాపై ఓ వీడియో క్యాసెట్ సైతం విడుదల చేసిన ఈ భామ తాను ఆకర్షణీయంగా ఉండేందుకు ఏమేమి చేస్తుందన్న వివరాలను చెప్పుకొచ్చింది.
యోగా చేయటం వల్ల శరీరం ఆరోగ్యవంతంగా ఉండటమేకాదు, మనసు తేలికపడుతుందనీ అంటోంది. ఆ మధ్య తనను వేధించిన మెడనొప్పిని యోగా చేయటం ద్వారా వదిలించుకుందట. అయితే యోగా చేసేవారు తప్పకుండా నిపుణుల సలహా మేరకే చేయాలంటోంది ఈ సెక్సీ భామ.
తిండి తింటే లావైపోతామేమోనని కొందరు ఆందోళనపడుతుంటారు.... అయితే తనకు మాత్రం అటువంటి భయాలేమీ లేవంటోంది. పాలమీగడలతోపాటు, చికెన్ వంటివన్నీ ప్రతి రోజూ లాగించేస్తానంటోంది. అయితే మనమూ యోగా చేసి చూస్తే పోలా... ఏమంటారు...?
