రిఫ్రిజిరేటర్లలో వీటిని ఉంచరాదు....

ఆధునిక జీవనంలో రిఫ్రిజిరేటర్ల వాడకం బాగా ఎక్కువైంది. అన్ని వస్తువులను రిఫ్రిజిరేటర్ లోనే ఉంచే ప్రయత్నం చేస్తున్నారు. నిజానికి రిఫ్రిజిరేటర్లో కొన్ని వస్తువులనే ఉంచాలి. ఏ వస్తువులు పెట్టకూడదో తెలుసుకోవాల్సిన అవసరం ఉంది. ఉల్లిపాయలు మరియు తరిగిన ఉలిపాయ

ఆధునిక జీవనంలో రిఫ్రిజిరేటర్ల వాడకం బాగా ఎక్కువైంది. అన్ని వస్తువులను రిఫ్రిజిరేటర్ లోనే ఉంచే ప్రయత్నం చేస్తున్నారు. నిజానికి రిఫ్రిజిరేటర్లో కొన్ని వస్తువులనే ఉంచాలి. ఏ వస్తువులు పెట్టకూడదో తెలుసుకోవాల్సిన అవసరం ఉంది. ఉల్లిపాయలు మరియు తరిగిన ఉలిపాయ ముక్కలు ఫ్రిడ్జ్‌లో పెట్టొద్దు. వాటికుండే వాసన ఫ్రిడ్జ్ మొత్తంతో పాటు అందులో ఉన్న ఆహారం కూడా వాసన వచ్చేలా చేస్తుంది. టమాటోలకు స్వచ్ఛమైన గాలి తగలాలి. 

చల్లబడిన టమాటోలు రుచిని కోల్పోతాయి. కాబట్టి టమాటో ఫ్రిడ్జ్‌లో పెట్టకూడదు. పుచ్చకాయను ఫ్రిడ్జ్‌లో పెట్టకుండానే తినొచ్చు. అయితే సగ భాగంగా పుచ్చకాయని కోసి దాన్ని తిని, మరో సగం తరువాత తినాలనుకుంటే మాత్రం ఫ్రిడ్జ్‌లో పెట్టేయ్యండి. తేనెకు ఎలాంటి రిఫ్రిజిరేటర్ అవసరం లేదు. అది ఎండాకాలమైనా, వానాకాలమైనా లేదా చలికాలమైనా, తేనె ఊరికే బయట పెట్టేస్తే వచ్చే నష్టమేమీ లేదు. బ్రెడ్‌ని ఏదైనా చల్లటి ప్రదేశంలో పెడితే సరిపోతుంది. రిఫ్రిజిరేటర్‌లో పెడితే, దానిలోని స్వచ్ఛమైన గుణాలు మనకు అందకపోవచ్చు. వెల్లుల్లి ఎక్కువకాలం పనికిరావాలంటే దాన్ని గాలి ఆడే చోట పెడితే సరిపోతుంది. దాన్ని రిఫ్రిజిరేటర్లో పెట్టాల్సిన అవసరం లేదు.