Publish Date: Wed, 30 Dec 2015 (12:24 IST)
Updated Date: Wed, 30 Dec 2015 (12:28 IST)
ఆహారాన్నిదాచుకోవడానికి ఫ్రిజ్ ఉంది కదా అని ప్రతిదాన్నీ అందులో పెట్టేందుకు కాదనే విషయాన్ని ఏ ఒక్కరూ గ్రహించరు. అందుకే ప్రతి వస్తువును అందులో దాచేస్తుంటాం. అలా చేయడం మంచిది కాదు. ఎందుకంటే కొన్ని ఆహార పదార్థాలను నిల్వ చేయడానికి ఫ్రిజ్ తగినది కాదు.
తులసి ఆకు ఎంత సువాసన వస్తుందో, అంత త్వరగానూ తన వాసనను కోల్పోతుంది. అందుకే దాన్ని ఫ్రిజ్లో పెట్టకూడదు. పెడితే మిగతా పదార్థాల వాసనను సంగ్రహించి వాటి వాసన మారిపోతుంది.
బంగాళదుంపల్ని ఫ్రిజ్లో ఉంచితే ఆ తేమకి వాటిలోని గంజిపదార్థం చక్కెరగా మారిపోతుంది. కాబట్టి వాటిని పెట్టకూడదు.
ఉల్లిపాయల్నిఫ్రిజ్లో పెట్టకూడదు. ఎందుకంటే అందులోని చల్లదనం ఉల్లిపాయల్ని మెత్తబడిపోయేలా చేస్తుంది. కాఫీ గింజల్ని ఫ్రిజ్లో ఉంచితే అవి వాటి సహజ సువాసనను కోల్పోవడమేకాకుండా చుట్టూ ఉన్నఆహారపదార్ధాల వాసనను కూడా పీల్చుకుంటుంది.
ఆలివ్ నూనెను ఫ్రిజ్లో పెడితే దాని కన్సిస్టెన్సీ మారిపోతుంది. నూనె మరింత చిక్కబడిపోతుంది. తేనెను పరిమితిని మించిన చల్లదనంలో ఉంచితే అది గట్టిపడిపోయి సహజగుణాన్నికోల్పోతుంది. కాబట్టి కాసిన్ని ఎక్కువ రోజులు నిల్వ ఉంచాలంటే ఫ్రిజ్లో పెట్టకపోవడమే మంచిది.
అలాగే కాస్త పచ్చిగా ఉన్న టొమాటోల్ని ఫ్రిజ్లో పెట్టకూడదు. ఎందుకంటే అందులోని చల్లనిగాలి వాటిని పండనివ్వదు. దాంతో అవి ఫ్లేవర్ను కోల్పోతాయి.ఇక అరటిపండ్లుని ఫ్రిజ్లో పెడితే గట్టి పడి వాటికి ఉండే సహజమైన రుచిపోతుంది.
