కోకోనట్ పులావ్ ఎలా తయారు చేస్తారు?
, సోమవారం, 18 ఫిబ్రవరి 2013 (17:59 IST)
కోకోనట్ పులావ్ తయారీకి కావలసిన పదార్థాలు :రెండు కప్పుల బియ్యం. ఒక కప్పు పచ్చి బఠానీ, మూడు పచ్చిమిర్చి, మూడు బిర్యానీ ఆకులు, మూడు యాలకులు, సరిపడిన ఉల్లిపాయలు, అల్లం, జీడిపప్పు, పుదీనా, కొత్తిమీర, లవంగాలు, దాల్చిన చెక్క, నూనె, ఉప్పులు సరిపడా కావాల్సి ఉంటుంది. ఎలా తయారు చేస్తారు? బాస్మతి బియ్యాన్ని శుభ్రంగా కడిగి వార్చి ఉంచుకోవాలి. కొబ్బరి తురుము మిక్సీలో వేసి దాని నుంచి పాలు తయారు చేసుకోవాలి. కప్పు బియ్యానికి రెండు కప్పుల చొప్పున పాలు పోసి పక్కన పెట్టుకోవాలి. అల్లం, వెల్లుల్లి మిక్సీలో వేసి ఫేస్టులా చేసుకోవాలి. ఉల్లిపాయ, పచ్చిమిర్చి తరిగి పెట్టుకోవాలి. తర్వాత కుక్కర్‌లో నూనె వేసి కాగాక ఉల్లిపాయలు, పచ్చిమిర్చి వేసి వేగాక అల్లం పేస్ట్, మసాల దినుసులన్నీ వేసి వేయించాలి. కొద్దిసేపటి తర్వాత పచ్చి బఠాణీ వేసి వేయించి అందులో బియ్యం, పాలు పోసి కొత్తిమీర, పూదీనా తరుగు వేయాలి. బాగా కలిపి మూతపెట్టి సన్నని సెగపై ఒకటి లేదా రెండు విజిల్స్ వచ్చే వరకూ ఉడకనివ్వాలి. స్టౌవ్ ఆఫ్ చేసి పది నిమిషాల తర్వాత గార్నిష్ చేసి సర్వ్ చేయాలి. ఇది ఉల్లిపాయ, పెరుగు పచ్చడితో తింటే రుచిగా ఉంటుంది. అతిథులను ఇట్టే సంతృప్తి పరచవచ్చు.
