• Alliance
  • Lead/Won
  • Change

సచిన్, అభిషేక్ పెద్దవాళ్లను ప్రేమించేశారు... ప్రేమంటే అంతేమరి...!!

శుక్రవారం, 14 ఫిబ్రవరి 2014 (17:12 IST)
మనం మామూలుగా ఇప్పుడు అక్కడక్కడ అమ్మాయి వయసు పెద్దదయినా అబ్బాయి పెళ్లి చేసేసుకోవడం, ప్రేమించుకోవడం చూస్తుంటాం వింటుంటాం. సెలబ్రిటీల్లో కూడా అలాంటి జంటలున్నాయి. ఈ వాలెంటైన్ డే సందర్భంగా ఆ కపుల్స్ గురించి ఓ లుక్కేద్దాం...

ఐశ్వర్యారాయ్ అంటే అభిషేక్ బచ్చన్ కు ఎంత ప్రేమో... ఆమె కోసం ప్రత్యేకంగా ఆమె నటించిన చిత్రాల్లో నటించి ఆమె మెప్పును పొందేందుకు ప్రయత్నించాడు. ఎట్టకేలక అతడి ప్రేమ గెలిచిందనుకోండి. ఇంతకీ ఐశ్వర్యారాయ్ కంటే అభిషేక్ 2 సంవత్సరాలు చిన్నవాడు.
FILE


ఇటీవలే క్రికెట్ నుంచి రిటైర్మెంట్ ప్రకటించిన క్రికెట్ దేవుడు సచిన్ టెండూల్కర్, డాక్టర్ అంజలి మధ్య కెమిస్ట్రీ ఎవ్వరికీ తెలియదు. కానీ ఓ రోజు ఈ కపుల్ పెళ్లి చేసేసుకున్నారు. అంజలి కంటే సచిన్ టెండూల్కర్ 6 సంవత్సరాలు చిన్నవాడు. కానీ ప్రేమకు ఈ హద్దులు లేవు సుమా.
FILE

అబ్బో పొడుగుకాళ్ల సుందరి శిల్పాశెట్టి కోసమైతే ధనవంతుడు, వ్యాపారవేత్త అయిన రాజ్ కుంద్రా ఎంతో డీప్ గా లవ్ చేశాడు. వీరిద్దరి మధ్యా వయసు తేడా 3 ఏళ్లు. శిల్పాశెట్టి తన భర్త రాజ్ కుంద్రా కంటే 3 ఏళ్లు పెద్దది.
FILE


ఇక దక్షిణాది సూపర్ స్టార్ రజినీకాంత్ పెద్ద కుమార్తెను నటుడు ధనుష్ పెళ్లాడాడు. ఆమె ధనుష్ కంటే 2 సంవత్సరాలు పెద్దది. ప్రేమ చిగురిస్తే అంతేమరి. వయసు తేడా పట్టించుకోదు మరి.
FILE


బాలీవుడ్‌లో హిట్లు మీద హిట్లు కొడుతున్న లేడీ డైరెక్టర్ ఫరాఖాన్ తన కంటే 8 సంవత్సరాలు చిన్నవాడైన శిరీష్ కుందర్ ను ప్రేమించి పెళ్లాడింది.