సినీ నటుడు అర్జున్ చిత్తూరు జిల్లాలో ప్రత్యక్షమయ్యారు. అది కూడా ఎపిఐఐసి ఛైర్ పర్సన్ రోజా ఇంటికి వచ్చారు అర్జున్. ఆధ్యాత్మిక క్షేత్రాల సందర్సనకు వెళుతూ చెన్నై నుంచి తిరుపతికి వస్తూ మార్గమధ్యంలో నగరిలోని రోజా ఇంటికి వెళ్ళారు. ఈ సంధర్భంగా ఆప్యాయంగా రోజాను అర్జున్ కుటుంబం పలుకరించుకుంది.
అప్పటి అగ్రహీరో అర్జున్ గురించి పెద్దగా చెప్పనవసరం లేదు. తెలుగు, తమిళ భాషల్లో ఎన్నో సినిమాల్లో నటించి ప్రేక్షకులను మెప్పించారు అర్జున్. ప్రస్తుతానికి పెద్దగా సినిమాల్లో చేయకపోయినా ఆయనకు ఉండే క్రేజ్ మాత్రం అలాగే ఉంది. ఇక రోజా గురించి చెప్పాలంటారా.. అటు రాజకీయాల్లోను ఇటు సినిమాల్లో ఆమె రాణిస్తూనే ఉంది.
అర్జున్, రోజాలు ఇద్దరు మంచి స్నేహితులు. సినీరంగంలో ఇద్దరు కలిసి సినిమాలు చేసినప్పటి నుంచి ఇద్దరూ మంచి స్నేహితులు. అయితే కుటుంబ సభ్యులతో కలిసి అర్జున్ ఆధ్యాత్మిక క్షేత్రాల సందర్సనార్థం బయలుదేరారు. ముఖ్యంగా తిరుమల శ్రీవారి దర్సనార్థం బయలుదేరారు.
చెన్నై నుంచి అర్జున్ నేరుగా కారును నడుపుకుంటూ వచ్చారు. మార్గమధ్యంలో అర్జున్ నగరి ఎమ్మెల్యే, సినీనటి రోజా ఇంటి వద్ద ఆగారు. అయితే వీరిద్దరి మధ్య ఆసక్తికరమైన సంబాషణలు జరిగాయి. అర్జున్ అప్పుడెలా ఉన్నావో ఇప్పుడూ అలానే ఉన్నావు. వయస్సు ఏమాత్రం తగ్గలేదు. హీరోలాగా ఉన్నావంటూ రోజా చెప్పారట.
నీకేమైనా వయస్సు అయిపోయిందా.. నువ్వు అలాగే ఉన్నావుగా.. అందంగానే ఉన్నావు. ఫిజిక్ బాగా మెయింటైన్ చేస్తున్నావంటూ చెప్పారట అర్జున్. అర్జున్ కుమార్తె ఐశ్వర్యను చూసి రోజా ఆశ్చర్యపోయారట. నీకు ఇంత పెద్ద కుమార్తె ఉందా అంటూ ప్రశ్నిస్తే నీకూ కూతురు ఉందిగా అంటూ అర్జున్ రోజాను ఆటపట్టించారట.
