తల్లికి పిల్లలకు వున్న అనుబంధం వెలకట్టలేనిది. తెల్లని మంచులో ఓ పెద్ద ఎలుగుబంటి పడుకుని ఉంది. దాని పక్కనే పిల్ల ఎలుగుబంటి ఆడుకుంటోంది. తల్లిపై పడి పొర్లుతూ ముద్దాడుతోంది. అందుకు తగిట్లు తల్లి కూడా పిల్లతో ఆడుకుంటోంది. దీనికి సంబంధించిన వీడియో ప్రస్తుతం నెట్టింట వైరల్ అవుతోంది.
ఆర్కిటిక్ మంచు ప్రాంతంలో అన్వేషకులు ఈ వీడియోను చిత్రీకరించారు. చుట్టూ తెల్లని మంచు మధ్య తెల్లని మంచు ఎలుగుబంట్ల ఆట చూసి అందరూ ఫిదా అయిపోతున్నారు. ట్విట్టర్‌‌లో పోస్టు చేసిన ఈ వీడియోకు ఇప్పటివరకు ఏకంగా 22 లక్షల వ్యూస్‌ వచ్చాయి. లక్షా 26 వేలకుపైగా లైకులు, వేల కొద్దీ రీట్వీట్లు వచ్చాయి.
