డియర్ విక్రమ్... సిగ్నల్ బ్రేక్ చేసినందుకు నీకు ఫైన్ వేయంగానీ (video)

మంగళవారం, 10 సెప్టెంబరు 2019 (09:26 IST)
భారత అంతరిక్ష పరిశోధనా సంస్థ ఇస్రో ప్రతిష్టాత్మకంగా చేపట్టిన చంద్రయాన్-2 ప్రయోగం సాంకేతిక సమస్య కారణంగా చివరి క్షణంలో సఫలంకాలేక పోయింది. అయినప్పటికీ.. ఇస్రో శాస్త్రవేత్తల కృషిని దేశం యావత్తూ గుర్తించి శ్లాఘిస్తోంది. ఈ నేపథ్యంలో చంద్రయాన్-2, విక్రమ్ ల్యాండర్ గురించే ఇపుడు దేశ వ్యాప్తంగా చర్చ సాగుతోంది. 
 
చంద్రుడి దక్షిణ ధృవంపై పరిశోధనలు నిర్వహించే నిమిత్తం ఇస్రో ఈ ప్రాజెక్టును చేపట్టింది. చంద్రుడి ఉపరితలంపై సాఫీగా అడుగుపెట్టాల్సిన విక్రమ్ హార్డ్ ల్యాండింగ్ కారణంగా సంబంధాలు తెగిపోయాయి. ఈ అనూహ్య పరిణామం అందరినీ తీవ్ర నిరాశకు గురిచేసింది. 
 
అయితే, ఇంతటి నిరాశాజనకమైన అంశంలోనూ నాగ్‌పూర్ పోలీసులు హాస్యచతురత ప్రదర్శించారు. "డియర్ విక్రమ్, దయచేసి రెస్పాండ్ అవ్వు. 'సిగ్నల్స్' బ్రేక్ చేసినందుకు నీకేమీ చలాన్లు వేయడంలేదులే!" అంటూ చమత్కరించారు. నాగ్‌పూర్ సిటీ పోలీసులు తమ అధికారిక ట్విట్టర్ ఖాతాలో ఈ మేరకు పోస్టు చేశారు. ప్రస్తుతం ఈ ట్వీట్ ఇపుడు సోషల్ మీడియాలో వైరల్ అయింది. 

 

Dear Vikram,
Please respond

వెబ్దునియా పై చదవండి

తర్వాతి కథనం తీవ్ర ఆందోళనలో హైదరాబాద్ ప్రజలు.. కేటీఆర్