2010 వరల్డ్ కప్ ఫుట్‌బాల్ మ్యాచ్ సందర్భంగా కొలంబియా గాయని షకీరా రాసి పాడిన వాకా వాకా పాట ఫుట్‌బాల్ అభిమానులనే కాకుండా ప్రపంచవ్యాప్తంగా మిలియన్ల మంది ప్రజలను ఆకర్షించింది. ఈ పాటలోని సంగీతం, షకీరా నృత్యం అభిమానుల హృదయాలను గెలుచుకుంది. తాజాగా ఈ పాటను ఓ యువకుడు వీణపై వాకా వాకా పాటను ప్లే చేస్తున్న వీడియో ఇంటర్నెట్‌లో వైరల్ అవుతోంది.
మ్యూజిక్ కంపోజర్ మహేష్ ప్రసాద్ తన ఇన్‌స్టాగ్రామ్ పేజీలో ఈ వీడియోను పంచుకున్నారు. వీడియోలో, సంగీతకారుడు తన వీణతో వాకా వాకా పాటను ప్లే చేస్తాడు. 4వ తేదీన షేర్ చేసిన ఈ వీడియోకు 26 లక్షలకు పైగా వ్యూస్ వచ్చాయి. వీడియో చూసిన యూజర్లు వీణా కళాకారుడి ప్రతిభను మెచ్చుకుంటూ కామెంట్స్ పోస్ట్ చేస్తున్నారు. కొంతమంది తమ సెల్‌ఫోన్‌లలో వీణలో వాకా వాకా పాటను రింగ్‌టోన్‌గా ప్లే చేసుకుంటున్నారు.
