Select Your Language

Notifications

webdunia
webdunia
webdunia
webdunia
Advertiesment

సిద్ధరామయ్య... అప్పుడు చెయ్యి పట్టుకున్నాడు... ఇప్పుడు చున్నీ లాగాడు

సిద్ధరామయ్య... అప్పుడు చెయ్యి పట్టుకున్నాడు... ఇప్పుడు చున్నీ లాగాడు
, సోమవారం, 28 జనవరి 2019 (20:23 IST)
కర్నాటక మాజీ ముఖ్యమంత్రి సిద్ధరామయ్య మరోసారి తన అనుచిత ప్రవర్తన బయటపెట్టారు. తమ సమస్యలు పరిష్కరించడంలో వైఫల్యం చెందారంటూ ఓ మహిళ ఆగ్రహంతో తన ముందు మాట్లాడటాన్ని ఓర్చుకోలేని సిద్ధు ఏకంగా ఆమె చున్నీ పట్టుకుని లాగేశారు. మైకును కూడా లాగేశారు. ఈ వ్యవహారం కాస్తా ఇప్పుడు వైరల్‌గా మారిపోయింది. దేశమంతా ఇప్పుడు ఈ వీడియోను షేర్ చేసుకుంటూ సిద్ధరామయ్యకు శాపనార్థాలు పెడుతున్నారు మహిళలు.
 
కాగా కర్ణాటకలోని వరుణ అసెంబ్లీ నియోజకవర్గంలో సమస్యలు ఏమయినా తన దృష్టికి తీసుకురావాలంటూ అక్కడికి వెళ్లారు. ఆయన ప్రాతినిధ్యం వహిస్తున్న నియోజకవర్గం కావడంతో జనం పెద్దసంఖ్యలో అక్కడికి వచ్చారు. ఐతే కొంతమంది మహిళలు తమ సమస్యలను పట్టించుకోవడం లేదంటూ ఆగ్రహంతో ఊగిపోయారు. వారిలో జమలా రాణి అనే మహిళ సిద్దరామయ్య దృష్టికి తీసుకెళ్తూ గట్టిగా నిలదీసింది. దాంతో కోపంతో సిద్ధరామయ్య చున్నీ లాగేశారు. 
webdunia
 
కాగా అప్పట్లో ఓ కళాశాల ఫంక్షనుకు వెళ్లినప్పుడు ఓ యువతి సెల్ఫీ తీసుకోవాలని చూస్తుండగా ఆమె చేయి పట్టుకుని గబుక్కున తనకు దగ్గరగా లాక్కుని వార్తల్లో నిలిచారు. ఇప్పుడు చున్నీ లాగేశారు. మరి ఇలాంటి నాయకుడిని పార్టీ నుంచి గెంటి వేస్తారా అంటూ పలువురు రాహుల్ గాంధీని సోషల్ నెట్వర్కింగ్ సైట్ల ద్వారా ప్రశ్నిస్తున్నారు.

Share this Story:

Follow Webdunia telugu

తర్వాతి కథనం

అత్యాధునిక హంగులతో జనసేన ప్రచార రథాలు.. పవన్ వేగం...