ఫిబ్రవరి 7న కృష్ణవంశీ-నానిల 'పైసా'
, సోమవారం, 27 జనవరి 2014 (14:30 IST)
క్రియేటివ్‌ థాట్స్‌తో సినిమాలను రూపొందిస్తూ తనకంటూ సెపరేట్‌ బ్రాండ్‌ ఇమేజ్‌ ఏర్పాటు చేసుకున్న క్రియేటివ్‌ దర్శకుడు కృష్ణవంశీ, యువ హీరో నాని, వరుస విజయాలను సాధిస్తున్న టేస్ట్‌ఫుల్‌ ప్రొడ్యూసర్‌ రమేష్‌ పుప్పాల. ఈ ముగ్గురు రేర్‌ కాంబినేషన్‌లో భారీ అంచనాలతో తెరకెక్కుతున్న చిత్రం 'పైసా'. ఈ చిత్రం అన్ని కార్యక్రమాలు పూర్తి చేసుకొని ఫిబ్రవరి 7న ప్రేక్షకుల ముందుకు రానుంది. ఈ సందర్భంగా నిర్మాత రమేష్‌ పుప్పాల మాట్లాడుతూ - ''మా బేనర్‌లో కృష్ణవంశీగారి దర్శకత్వంలో ఎంతో ప్రతిష్ఠాత్మక చిత్రంగా రూపొందిస్తున్న 'పైసా' చిత్రాన్ని అన్ని కార్యక్రమాలు పూర్తి చేసి ఫిబ్రవరి 7న వరల్డ్‌వైడ్‌గా అత్యధిక థియేటర్లలో రిలీజ్‌ చేస్తున్నాం. కృష్ణవంశీగారి కెరీర్‌లో, నాని కెరీర్‌లో ఈ చిత్రం బిగ్గెస్ట్‌ హిట్‌గా నిలుస్తుందన్న నమ్మకం నాకు వుంది. ఇదో కొత్త తరహా కమర్షియల్‌ మూవీ. కృష్ణవంశీగారు చాలా అద్భుతంగా ఈ సబ్జెక్ట్‌ని డీల్‌ చేశారు. ఇప్పటికే ఈ ఆడియో చాలా పెద్ద హిట్‌ అయింది. సినిమా కూడా అంతకంటే పెద్ద హిట్‌ అవుతుందన్న కాన్ఫిడెన్స్‌తో వున్నాం'' అన్నారు. నాని, కేథరిన్‌, సిద్దికా, చరణ్‌రాజ్‌, రాజా రవీందర్‌, దువ్వాసి, ఆర్కే, తబర్‌, లోబో, రాజు శ్రీవాస్తవలు నటిస్తున్న ఈ చిత్రానికి సినిమా టోగ్రఫీ: సంతోష్‌కుమార్‌ రాయ్‌, సంగీతం: సాయికార్తీక్‌, ఎడిటర్‌: త్యాగరాజన్‌, ఆర్ట్‌ డైరెక్టర్‌: బ్రహ్మ కడలి, ఫైట్‌మాస్టర్‌: సాల్మన్‌ రాజు, ప్రకాష్‌, వెంకట్‌, పాటలు: సిరివెన్నెల సీతారామశాస్త్రి, అనంత్‌ శ్రీరామ్‌, రచయితలు: కెకె బినోజీ, శ్రీనివాస్‌రెడ్డి, పాత్రికేయ, కొరియోగ్రఫి: రఘు, శ్రీధర్‌, మేకప్‌: నాగు, కాస్ట్యూమ్స్‌: రమేష్‌, డైరెక్షన్‌ టీమ్‌: గిరి, శ్రీనివాస్‌ పుప్పాల, గోపి, శ్రీకాంత్‌, రాజు, లింగఖాన్‌, ప్రొడక్షన్‌ ఎగ్జిక్యూటివ్స్‌: శ్రీనివాస్‌ రాజు, జి.వి.వి. విజయ్‌కుమార్‌, ఎస్‌.రవికుమార్‌, ముజీబ్‌, ప్రొడక్షన్‌ కంట్రోలర్స్‌: ఎల్‌.కిషోర్‌, కె.బాబు, ఎగ్జిక్యూటివ్‌ ప్రొడ్యూ సర్‌: రాజా రవీందర్‌, నిర్మాత: రమేష్‌ పుప్పాల, కథ-స్క్రీన్‌ప్లే-దర్శకత్వం: కృష్ణవంశీ.
