ఇ.వి.వి.సత్యనారాయణ సమర్పణలో సిరి సినిమా పతాకంపై అల్లరి నరేష్‌-మోనాల్‌ గజ్జర్‌ జంటగా అమ్మిరాజు కానుమల్లి నిర్మిస్తున్న చిత్రం 'బ్రదర్‌ ఆఫ్‌ బొమ్మాళి'. అల్లరి నరేష్‌కు ట్విన్‌ సిస్టర్‌గా కార్తీక నటిస్తోన్న ఈ చిత్రానికి 'వీడు తేడా' ఫేం బి.చిన్ని దర్శకుడు. శేఖర్‌చంద్ర సంగీతం అందించిన ఈ చిత్రంలోని ఓ ప్రత్యేక గీతానికి శ్రీవసంత్‌ బాణీలందించాడు. ఫుల్‌లెంగ్త్‌ ఫ్యామిలీ ఎంటర్‌టైనర్‌గా తెరకెక్కిన ఈ చిత్రాన్ని నవంబర్‌ 7న విడుదల చేసేందుకు చిత్ర నిర్మాత అమ్మిరాజు కానుమల్లి సన్నాహాలు చేసుకుంటున్నారు.
ఇటీవల విడుదలైన ఆడియోతోపాటు ట్రైలర్‌కు కూడా విశేషమైన స్పందన లభిస్తుండడం... 'బ్రదర్‌ ఆఫ్‌ బొమ్మాళి' శాటిలైట్‌ హక్కులు భారీ మొత్తానికి ఓ ప్రముఖ ఛానల్‌ చేజిక్కించుకోవడంతో.. ఈ చిత్రంపై అటు ప్రేక్షకుల్లో, ఇటు చిత్రసీమలో భారీ అంచనాలు ఏర్పడ్డాయి.
సిస్టర్‌ సెంటిమెంట్‌కి హిలేరియస్‌ కామెడీని జత చేసి బి.చిన్ని తెరకెక్కించిన 'బ్రదర్‌ ఆఫ్‌ బొమ్మాళీ' చిత్రం తప్పకుండా మంచి విజయం సాధిస్తుందన్న నమ్మకాన్ని చిత్ర బృందం వ్యక్తం చేస్తోంది.
