'కొత్తగా మా ప్రయాణం' చిత్ర హీరో ప్రియాంత్ రావు (30) చిక్కుల్లో పడ్డారు. పెళ్లి పేరుతో జూనియర్ ఆర్టిస్టును గర్భవతి చేశారు. ఆమె ఇచ్చిన ఫిర్యాదుతో ప్రియాంత్ రావును పోలీసులు అరెస్టు చేశారు. తాజాగా వెలుగులోకి వచ్చిన ఈ వివరాలను పరిశీలిస్తే,
హైదరాబాద్, వెంకటగిరిలో ఉంటూ వచ్చిన 25 యేళ్ల యువతి సినిమాల్లో జూనియర్ ఆర్టిస్టుగా నటిస్తుంది. ఈమెకు ప్రియాంత్ రావుతో పరిచయం ఏర్పడింది. ఈ పరిచయం కాస్త వారిద్దిర మధ్య ప్రేమకు దారితీసింది. దీంతో ఆమెను పెళ్లి చేసుకుంటానని నమ్మించిన ప్రియాంత్ రావు శారీరక సంబంధం పెట్టుకున్నాడు. ఈ క్రమంలో ఆమె గర్భందాల్చింది. ఈ విషయాన్ని ప్రియంత్ రావు దృష్టికి తీసుకెళ్లగా గర్భస్రావమయ్యేలా మాత్రలు ఇచ్చి వేసుకోమన్నాడు.
ఆ తర్వాత అసలు విషయం బయటపడింది. ప్రియాంత్ రావుకు ఇప్పటికే వివాహమై భార్య, కుమార్తె ఉన్నట్టు తెలుసుకుని నిలదీసింది. అయితే, తన భార్యకు విడాకులు ఇవ్వబోతునున్నాని, ఆ విడాకుల తంతు ముగిసిన తర్వాత పెళ్లి చేసుకుంటానని నమ్మించాడు. అయితే, రోజులు గడిచిపోతున్నప్పటికీ ప్రియాంత్ రావు పెళ్లి ఊసెత్తలేదు.
దీంతో ఆమె నిలదీయంగా, చంపేస్తానని బెదిరించాడు. దీంతో బాధితురాలు పోలీసులను ఆశ్రయించడంతో కేసు నమోదు చేసిన పోలీసులు ప్రియాంత్ రావును అరెస్టు చేశారు. కాగా, ఈయన నటించిన కొత్తగా మా ప్రయాణం చిత్రం విడుదలకు సిద్ధంగా ఉంది.
