మాట‌లు త‌క్కువ ప‌ని ఎక్కువ చేస్తేనే జీవితంలో ఎదుగుద‌ల అంటూ పెద్ద‌లు ఏనాడో చెప్పాడు. ఇప్పుడు విజ‌య్‌దేవ‌ర‌కొండ అదే చెబుతున్నాడు. వేక‌ప్‌, వ‌ర్క్‌, స‌క్సీడ్‌.. అంటూ కొటేష‌న్ ఇస్తూ అభిమానుల‌ను ఎలెర్ట్ చేస్తున్నాడు విజ‌య్‌దేవ‌ర‌కొండ. త‌ను ఊహించ‌నంత ఎత్తుకు ఎదిగాడు. న‌లుగురిలో ఒక‌డిగా న‌టించిన పాత్ర‌ల‌నుంచి బాలీవుడ్ హీరో స్థాయికి ఎదిగిన ఆయ‌న క్ర‌మాన్ని చూసిన రామ్‌గోపాల్ వర్మ కూడా అవాక్కయ్యాడు.
ఆయ‌న నటిస్తున్న లైగర్ సినిమాలో కొంత పార్ట్ చూశానంటూ విజ‌య్‌కు కితాబిచ్చేశాడు. దాంతో అభిమానుల‌నుంచి విప‌రీత‌మైన కామెంట్లు వ‌స్తున్నాయి. ప్రస్తుతం ఆయ‌న సోష‌ల్ మీడియాలో ఫాలోయింగ్ మామూలుగా లేదు. దీనికి ఆయ‌న స్పందిస్తూ, కొద్ది సేప‌టి క్రిత‌మే వేక‌ప్‌, వ‌ర్క్‌, స‌క్సీడ్‌.సైలెంట్ ఈజ్‌లాబ్స్ అంటూ కొటేష‌న్ పెట్టాడు.
అర్జున్ రెడ్డి నుంచి క్రేజ్ పెరుగుతూ రౌడీబాయ్‌గా విజయ్ దేవరకొండ మరొక మైల్ స్టోన్ ను అధిగమించాడు. తాజాగా ఫేస్ బుక్ లో 10 మిలియన్ ఫాలోవర్ల క్లబ్ లో చేరాడు. అయితే విజయ్ దేవరకొండ 10 మిలియన్ ఫాలోవర్స్ ను సొంతం చేసుకోవడం పట్ల అభిమానులు సంతోషం వ్యక్తం చేస్తున్నారు. అంతేకాక ప్రస్తుతం పూరి జగన్నాద్ దర్శకత్వం లో లైగర్ సినిమాలో నటిస్తున్న సంగతి అందరికీ తెలిసిందే.
