బాలీవుడ్ స్టార్స్ రణబీర్ కపూర్, అలియాభట్ జంటగా దర్శకుడు అయాన్ ముఖర్జీ రూపొందించిన సినిమా 'బ్రహ్మాస్త్ర'. ఈ సినిమాను సౌత్‌లో రాజమౌళి ప్రెజంట్ చేస్తుండడంతో తెలుగులో కూడా సినిమాకి మంచి బజ్ వచ్చింది. ఈ ప్రమోషన్స్‌తో మరింత క్రేజ్ తీసుకురావడానికి హైదరాబాద్‌లో భారీ ఈవెంట్‌ను ప్లాన్ చేశారు.
రామోజీ ఫిల్మ్ సిటీలో ప్రీరిలీజ్ ఈవెంట్ కోసం ఏర్పాటు కూడా చేశారు. ఈ ఈవెంట్‌కి ఎన్టీఆర్‌ని గెస్ట్‌గా పిలవడంతో రెండు రోజులుగా సోషల్ మీడియాలో ఈ విషయం ట్రెండ్ అవుతుంది. తీరా చూస్తే రామోజీ ఫిల్మ్ సిటీలో జరగాల్సిన ఈవెంట్ క్యాన్సిల్ అయింది.
పోలీసులు పర్మిషన్ ఇవ్వకపోవడంతో వెంటనే పార్క్ హయత్‌లో ఈవెంట్ నిర్వహించారు. ఈవెంట్‌లో భాగంగా ఎన్టీఆర్ మాట్లాడే సమయంలో ముందుగా అభిమానులకు క్షమాపణలు చెప్పారు.
వినాయకచవితి కారణంగా పోలీసులు ప్రొటెక్షన్ ఇవ్వలేమని చెప్పి పర్మిషన్ ఇవ్వలేదని.. ఒక దేశ పౌరుడిగా వారి రిక్వెస్ట్‌ను యాక్సెప్ట్ చేసి వారు మన గురించి ఆలోచిస్తారు కాబట్టి ఈవెంట్ అక్కడ చేయలేకపోయామని.. అందుకే ఇలా చిన్న వేదికపై మీ ముందు ఉన్నామని అన్నారు.
