ప్రముఖ బ్యాడ్మింటన్ క్రీడాకారిణి గుత్తా జ్వాల, తమిళ నటుడు విష్ణు విశాల్ గత కొంతకాలంగా ప్రేమలో మునిగితేలుతున్న విషయం తెల్సిందే. వీరిద్దరూ త్వరలోనే పెళ్లిబంధంతో ఒక్కటికానున్నారు.
ఈ నేపథ్యంలో దగ్గుబాటి రానా, విష్ణు విశాల్ నటించిన తాజా చిత్రం అరణ్య. ఈ చిత్రం ప్రీరిలీజ్ ఈవెంట్ హైదరాబాదులో ఆదివారం జరిగింది. దీనికి తన కాబోయే భార్య గుత్తా జ్వాలాతో కలిసి విశాల్ హాజరయ్యాడు. ఈ చిత్రంలో విష్ణు విశాల్ కీలకపాత్ర పోషించాడు.
ప్రీరిలీజ్ ఈవెంట్ వేదికపైనే విష్ణు విశాల్ తన పెళ్లి ప్రకటన చేశాడు. త్వరలోనే పెళ్లి తేదీ ప్రకటిస్తామని వెల్లడించాడు. తాను తెలుగింటి అల్లుడ్ని కాబోతున్నానని సంతోషం వ్యక్తం చేశాడు.
ఈ సినిమా చిత్రీకరణ సమయంలో జ్వాల తన వెన్నంటే ఉండి ప్రోత్సహించిందని తెలిపాడు. జ్వాల, విష్ణు విశాల్ చాలాకాలంగా ప్రేమలో ఉన్నారు. లాక్డౌన్ సమయంలో ఈ జోడీ నిశ్చితార్థం చేసుకుంది.
"గుత్తాజ్వాలను నేను వివాహం చేసుకోబోతున్నా. త్వరలో పెళ్లితేదీని వెల్లడిస్తాం. తెలుగు ఇంటి అల్లుడిని కాబోతున్నందుకు ఆనందంగా ఉంది. మేమిద్దరం కలిసి హాజరైన తొలి సినిమా వేడుక ఇదే" అని విష్ణు విశాల్ ప్రకటించాడు.
