రౌడీ స్టార్ విజయ్ దేవరకొండ నటిస్తున్న లేటెస్ట్ మూవీ ప్రస్తుతం VD12 అనే వర్కింగ్ టైటిల్ పెట్టారు. గౌతమ్ తిన్ననూరి దర్శకుడు. కాగా, ఈ సినిమా అప్ డేట్ గురించి నిర్మాత నాగవంశీ సోషల్ మీడియాలో పోస్ట్ చేశారు. గౌతమ్ ను చాలా హింస పెట్టాక, చర్చలు జరిపాక టైటిల్ ను త్వరలో తెలియజేయనున్నాం. బీ రెడీ రౌడీ ఫ్యాన్స్ అంటూ ఎక్స్ లో పోస్ట్ చేశారు. ఇందులో రాజులా వుండేలా టైటిల్ ను అనుకున్నట్లు ఫిలింనగర్ లో కథనాలు వినిపిస్తున్నాయి.
టైటిల్‌తో పాటు ఫస్ట్ లుక్‌ను కూడా రిలీజ్ చేసేందుకు నిర్మాత సన్నాహాలు చేస్తున్నారు. ఇప్పటికే ‘సామ్రాజ్యం’ అనే టైటిల్ పెడుతున్నట్లు వార్తలు వస్తున్నాయి. లోగడ మమ్ముట్టి నటించిన సినిమా టైటిల్ కూడా ఇదే. మాఫియా నేపథ్యంలో కథ వుంటుంది. మరి విజయ్ దేవరకొండ కథ ఇంతవరు లీక్ కాలేదు. తాజా అప్డేట్‌ను ఫిబ్రవరి 7న రివీల్ చేయబోతున్నట్లు సమాచారం. అంత వరకు విజయ్ దేవరకొండ అప్ డేట్ కోసం అభిమానులు వేచి చూడాల్సిందే.
