అక్కినేని వారి ఇంట అడుగుపెట్టిన త‌ర్వాత కాస్తంత విభిన్న‌మైన పాత్ర‌లతోనే ప్రేక్షకుల ముందుకి వ‌స్తున్న స‌మంత... ఆ సినిమాలన్నీ విజ‌య‌వంతం అవుతూండడంతో మరింతగా దూసుకుపోతోంది.
కాగా ఈ సినిమాలన్నీ కూడా ఆవిడకి నటిగా మంచి పేరు సంపాదించి పెడ్తూండడం విశేషం. తాజాగా స‌మంత న‌టించిన చిత్రం `ఓ బేబీ`. నందినీ రెడ్డి ద‌ర్శ‌క‌త్వంలో రూపొందిన ఈ సినిమా టీజ‌ర్ తాజాగా విడుద‌లైంది.
ఈ టీజ‌ర్‌పై టాలీవుడ్‌లో తెర వెనుక తప్ప తెరపై పెద్దగా కనబడని దర్శకేంద్రుడు రాఘ‌వేంద్ర‌రావు ట్విట్ట‌ర్ ద్వారా స్పందిస్తూ... "ఓ బేబీ` సినిమా చూసాను. సినిమా చాలా కొత్తగా ఎమోషనల్‌గా ఉంది.
స‌మంత 70 ఏళ్ళ బామ్మగా చేసింది అనడం కంటే 70 ఏళ్ళ అనుభవం ఉన్న నటిగా చేసింది. ఈ సినిమా సమంతకి ఇంకా పెద్ద పేరు తీసుకొస్తుంది" అంటూ ట్వీట్ చేసారు.
