వకీల్ సాబ్ కలెక్షన్లు కుమ్మేస్తున్నాయి. ఏప్రిల్ 9న విడుదల ఈ చిత్రం హిట్ టాక్‌తో దూసుకుపోతుంది. ఫస్డ్ డే నుంచి కలెక్షన్ల వరద పారిస్తున్న ఈ చిత్రం ఇప్పటికే రూ.100 కోట్ల క్లబ్‌లో చేరి.. బ్రేక్ ఈవెన్ సాధించి.. నిర్మాతల్ని లాభాల బాట పట్టించింది. వారం రోజుల పాటు మొత్తంగా వరల్డ్ వైడ్ కలెక్షన్లు 100. 75 కోట్లు సాధించినట్టు ట్రేడ్ వర్గాల అంచనా.
ఇక నైజాం ఏరియాలో వకీల్ సాబ్ హవా గట్టిగానే ఉంది. తొలివారంలో మొత్తంగా రూ. 30 కోట్లు మార్క్ చేరుకున్నట్టు తెలుస్తోంది. సీడెడ్‌లో రూ.15 కోట్లు.. ఉత్తరాంధ్రలో 12 కోట్లు పైనే రాబట్టిందని ట్రేడ్ వర్గాలు అంచనా వేస్తున్నాయి. మొత్తంగా ఉగాది, అంబేద్కర్ జయంతి సెలవు దినాలు రావడంతో వకీల్ సాబ్ కలెక్షన్స్ ఊపందుకున్నాయి.
తొలి షోతో వకీల్ సాబ్ వేట మొదలుపెట్టగా... వరుసగా ఐదోరోజు సక్సెస్ ఫుల్ రన్ కొనసాగింది. ఇక ఉగాది, అంబేద్కర్ జయంతి వరుస సెలవు దినాలు రావడంతో కలెక్షన్లు పుంజుకున్నాయి. పెట్టిన పెట్టుబడిన తొలి రెండు రోజుల్లోనే రాబట్టిన వకీల్ సాబ్.. బ్రేక్ ఈవెన్ సాధించి రూ.100 కోట్ల క్లబ్‌లో చేరినట్టు ట్రేడ్ పండితులు లెక్కలు కడుతున్నారు.
ఇదిలా ఉంటే.. తన సినిమాలకి సంబంధించి ఎప్పటికప్పుడు లెక్కలు బయటకు విడుదల చేసి గొప్పగా చెప్పుకునే దిల్ రాజు.. వకీల్ సాబ్ విషయంలో ఎందుకు మౌనంగా ఉన్నారు.. లెక్కలు లీక్ చేస్తే ఏమౌతుంది?? ఏరోజు ఎంత వచ్చిందనే విషయం బయటకు లీక్ కాకుండా జాగ్రత్తలు తీసుకోవడం వెనుక వ్యూహం ఏమైనా ఉందా? లేదంటే ప్రభుత్వాలను నుంచి ఏదైనా ఇబ్బందులు ఉన్నాయా? అన్నది త్వరలో తేలనుంది.
