అనుకోని సమస్యల్లో విజయ్‌ దేవరకొండ ‘హీరో’

గురువారం, 14 మార్చి 2019 (15:17 IST)
అనుకున్నట్లే విజయ్ దేవరకొండ సినిమా హీరో కష్టాల్లో పడింది. అయితే దీనికి కారణం టాలీవుడ్‌లోని మెగా అభిమానులు కాదండోయ్. తమిళ సినీ పరిశ్రమలోని సినిమాలే. వివరాలలోకి వెళ్తే...  విజయ్‌ దేవరకొండ కథానాయకుడుగా మైత్రీ మూవీ మేకర్స్‌ సంస్థ ‘హీరో’ అనే చిత్రాన్ని తెరకెక్కించబోతోంది. ఆనంద్‌ దర్శకత్వం వహించనున్న ఈ సినిమాను తెలుగుతోపాటు తమిళం, కన్నడ, మలయాళ భాషల్లోనూ నిర్మించబోతున్నారు. 
 
ఏప్రిల్‌ 22న న్యూఢిల్లీలో ఈ చిత్రం షూటింగ్‌ ప్రారంభం కాబోతోందని మైత్రీ మూవీ మేకర్స్‌ ప్రకటించగా... ఇప్పటికే "గ్యాంగ్ లీడర్" టైటిల్‌కి అభ్యంతరాలు వ్యక్తం చేసిన మెగా అభిమానులు ఈ హీరో టైటిల్‌కి అభ్యంతరాలు వ్యక్తం చేస్తారేమోనని కొందరు భావించారు. కానీ అనుకోని వైపు నుండి ఇప్పుడు ఒక ఇబ్బంది వచ్చి పడింది.
 
తమిళంలోనూ ‘హీరో’ టైటిల్‌తోనే విడుదల చేయాలనుకున్న యూనిట్‌కి తాజాగా శివ కార్తికేయన్‌ కథానాయకుడిగా కల్యాణి ప్రియదర్శన్‌ కథానాయికగా నటిస్తూ బుధవారం షూటింగ్ ప్రారంభించిన సినిమా పేరు కూడా ‘హీరో’నే కావడం తలనొప్పిగా మారింది. 
 
విజయ్‌ ‘హీరో’.. తమిళంలోనూ అదే టైటిల్‌తో విడుదల కాబోతోంది. ఇప్పుడు శివ కార్తికేయన్‌ సినిమాకి కూడా అదే టైటిల్ పెట్టడంతో సమస్య ఎదురైంది. దీంతో ఎవరో ఒకరు తమ సినిమాకు టైటిల్‌ మార్చాల్సిన పరిస్థితి ఏర్పడింది. మరి ఏ చిత్ర బృందం రాజీపడనుందో.. వేచి చూడాలి. 

వెబ్దునియా పై చదవండి

తర్వాతి కథనం అక్కినేని యువ హీరోల జీవితాల్ని అల్లు అరవింద్ నాశనం చేస్తున్నాడా? తమ్మారెడ్డి ఫైర్