Ashika Ranganath, Ravi Teja
తెలుగు హీరో మాస్ మహారాజా రవితేజ సక్సెస్ కోసం ప్రయత్నాలు చేస్తూనే వున్నాడు. మూడు సినిమాలు రన్నింగ్ లో వున్నాయి. తాజాగా భాను భోగవరపు దర్శకత్వంలో 'మాస్ జతార' చిత్రంలో నటిస్తున్నారు. టైటిల్ సూచించినట్లుగా ఇది ఒక మాస్ ఎంటర్టైనర్. ఈ చిత్రాన్ని ఆగస్టు 27న విడుదల చేస్తున్నట్లు తెలిపారు. ఈ చిత్రం దాదాపు పూర్తికావచ్చింది. దానితోపాటు మరో సినిమా కూడా చేస్తున్నాడు.
ఇటీవలే దర్శకుడు కిషోర్ తిరుమలతో రవితేజ ఒక సినిమా కూడా సంతకం చేశారు. ఈ ప్రాజెక్ట్ కొన్ని నెలల క్రితం ఖరారు చేయబడినా కొన్ని కారణాలవల్ల ప్రకటించలేదు. తాజాగా మాస్ జాతర పూర్తికావస్తున్న నేపథ్యంలో త్వరలో అధికారికంగా ప్రకటించనున్నట్లు తెలిసింది. చిత్ర యూనిట్ సమాచారం మేరకు విశ్వంభర బ్యూటీ ఆషికా రంగనాథ్ ఈ చిత్రంలో రవితేజతో నటించనున్నది. ఆషికా ఇంతకుముందు అమిగోస్‌తో తెలుగులోకి అడుగుపెట్టింది.
రవితేజ, కిషోర్ తిరుమల చిత్రానికి 'అనార్కలి' అనే టైటిల్ పెట్టారు. మరో ప్రముఖ నటి కూడా నటించే అవకాశం ఉంది. కేతికా శర్మ మరో మహిళా కథానాయికగా నటిస్తుందని చెబుతున్నారు. ప్రారంభంలో, మమిత బైజు, కయాదు లోహర్ కథానాయికలుగా నటిస్తారని ఊహాగానాలు వచ్చాయి, ఈ నెలలో చిత్రీకరణ ప్రారంభం కానుంది.
