బాహుబలి బర్రె.. సుమారు 1500 కిలోల బరువు.. రూ.11లక్షలకు పలికింది..
ప్రపంచ వ్యాప్తంగా అభిమానులను చూరగొన్న బాహుబలి సినిమా గురించి ప్రత్యేకంగా చెప్పాల్సిన అవసరం లేదు. భారతీయ సినీ చరిత్రలో చోటు సంపాదించుకున్న ఈ సినిమాలో భారీ గ్రాఫిక్స్‌తో కూడిన దున్నపోతును చూసేవుంటారు. అ
ప్రపంచ వ్యాప్తంగా అభిమానులను చూరగొన్న బాహుబలి సినిమా గురించి ప్రత్యేకంగా చెప్పాల్సిన అవసరం లేదు. భారతీయ సినీ చరిత్రలో చోటు సంపాదించుకున్న ఈ సినిమాలో భారీ గ్రాఫిక్స్‌తో కూడిన దున్నపోతును చూసేవుంటారు. అయితే రీల్ లైఫ్‌లో గ్రాఫిక్స్ పనిపెట్టిన రాజమౌళి బాహుబలి దున్నపోతు కంటే మించిన బర్రెను ఉత్తరప్రదేశ్‌లో కనుగొన్నారు.
వివరాల్లోకి వెళితే, ఉత్తరప్రదేశ్‌లోని మొరాదాబాద్ పట్టణంలో దాదాపు 1500 కిలోల బరువున్న బర్రెను కనుగొన్నారు. భారీ ఆకారంతో ఉన్న దున్నపోతును పంజాబ్‌లోని లూథియానా నుంచి రూ. 11 లక్షలకు మహమ్మద్ తౌఫీక్ ఖురేషి, నదీం అనే వ్యక్తులు కొనుగోలు చేశారు.
ఈ దున్నపోతుకు ముద్దుగా ‘బాహుబలి’ బర్రె అని పేరు పెట్టారు. బక్రీద్ పండుగ సందర్భంగా ఈ బర్రె స్పెషల్ అట్రాక్షన్‌గా మారింది. దీంతో ఈ "బాహుబలి" బర్రెను చూసేందుకు స్థానికులు, చుట్టుపక్కల జిల్లాల ప్రజలు ఎగబడుతున్నారు.
