ప్రభాస్ నటిస్తున్న ది రాజా సాబ్ సినిమా విడుదల ఎప్పుడు? షూటింగ్ అయిందా లేదా? అనేది సోషల్ మీడియాలోనూ, చిత్ర నిర్మాత విశ్వప్రసాద్ కు ప్రశ్నలు ఎదురయ్యాయి. గత రాత్రి హైదరాబాద్ లో జరిగిన ఓ వేడుకలో ఆయన మాట్లాడుతూ, ప్రభాస్ అభిమానులకు శుభ వార్త తెలిపారు. ది రాజా సాబ్ షూటింగ్ అక్టోబర్ నాటికి పూర్తవుతుందనీ, సంక్రాతి కానుకగా జనవరి 9న విడుదల చేయనున్నామని వెల్లడించారు.
అంతేకాక ది రాజా సాబ్ సినిమాకు పార్ట్ 2 కూడా వుంటుందని తెలిపారు. అయితే ఇది సీక్వెల్ కాదని అన్నారు. సినిమా నిర్మాణంలో ఎక్కువ భాగం షూట్ చేయడంతో రెండు భాగాలుగా చేయాలని దర్శకుడు మారుతీ, నిర్మాత విశ్వ ప్రసాద్, ప్రభాస్ తో చెప్పారట. అందుకు ఆయన అంగీకరించారు. త్వరలో ఈ సినిమా గురించి భారీ ఫంక్షన్ ఏర్పాటు చేసి మరిన్ని వివరాలు తెలియజేస్తామని నిర్మాత తెలిపారు. కాగా, గతంలోనే ప్రేమకథా చిత్రమ్ సినిమాను దర్శకుడు మారుతీ చేశారు. రాజా సాబ్ కూడా దానికి కొనసాగింపులా వుంటుందనే టాక్ వుంది.
