ప‌వ‌న్‌క‌ళ్యాణ్ `వ‌కీల్‌సాబ్‌` సినిమా ప్రీరిలీజ్ హైద‌రాబాద్‌లో చేయాల‌ని నిర్ణ‌యించుకున్నారు. ఇంత‌కుముందే జ‌ర‌గాలి. కానీ కొన్ని కార‌ణాల వ‌ల్ల వాయిదా ప‌డుతూవ‌చ్చింది. పవన్ షూటింగ్ బిజీవ‌ల్ల‌కానీ, తిరుప‌తి ఎన్నిక‌ల వ‌ల్ల‌కానీ స‌మ‌యం స‌రిపోలేద‌ని పవన్ వ‌ర్గాలు తెలియ‌జేశాయి. అలాగే పవన్ ప్రీరిలీజ్‌కు మెగాస్టార్ చిరంజీవికూడా హాజ‌రు కానున్నార‌ని వార్తలు హ‌ల్‌చ‌ల్ చేశాయి. కానీ తాజా స‌మాచారం ప్ర‌కారం సింహం సింగిల్‌గానే వ‌స్తుంది. ఎవ‌రు వ‌చ్చినా పవన్ మాట‌కోస‌మే అంద‌రూ ఎదురు చూస్తుంటారు.
ఎవ‌రు మాట్లాడినా ఫ్యాన్స్ ఆన‌దు అని చిత్ర యూనిట్ తెలియ‌జేసింది. క‌నుక రేపు అన‌గా ఆదివారంనాడు హైద‌రాబాద్‌లోని శిల్ప‌క‌ళావేదిక ఇందుకు సిద్ధ‌మైంది. అక్క‌డ పోలీసు క‌మీష‌న‌ర్ ప‌ర్మిష‌న్ కూడా ఇచ్చారు. అందుకు త‌గిన‌ట్లే ముంద‌స్తు ఏర్పాట్లుకూడా చేశారు. ఆదివారం సాయంత్రం శిల్ప‌క‌ళావేదిక‌కు రావాల్సివారు త‌ప్ప‌నిస‌రిగా పాస్‌ల‌తోనే రావాల్సివుంటుంది. పాస్‌లు లేకుండా ఎవ్వ‌రినీ అనుమ‌తించ‌మ‌ని నిర్వాహ‌కులు తెలియ‌జేశారు. పోలీసుల‌తోపాట బౌన్స‌ర్ల హ‌డావుడి కూడా వుంటుంది. అభిమానులు నిరాశ‌ప‌ర్చ‌కుండా పవన్ ఫంక్ష‌న్‌ను ఏర్పాటు చేసిన‌ట్లు చెబుతున్నారు.
