యూనివర్సల్ హీరో కమల్ హాసన్, స‌క్సెస్‌ఫుల్‌ దర్శకుడు లోకేష్ కనగరాజ్‌కాంబినేష‌న్‌లో అత్యంత అంచనాలతో కూడిన యాక్షన్ థ్రిల్లర్ `విక్రమ్`. చిత్ర ఆసక్తికరమైన ప్రచారంతో అంచనాలను పెంచింది. ఇటీవ‌లే మేకింగ్ గ్లింప్స్ తో పాటు విడుదల తేదీని కూడా మేకర్స్ విడుదల చేశారు.
బుధ‌వారంనాడు విక్రమ్ సినిమా నుంచి ఫ‌స్ట్ సింగిల్ `పాతాళపాతాల` అనేది రాబోతుంది. ఈ పాట‌ను ఈరోజు రాత్రి 7గంట‌ల‌కు విడుద‌ల‌చేస్తున్న‌ట్లు చిత్ర‌యూనిట్ ప్ర‌క‌టిస్తూ పోస్ట్‌ర్‌ను విడుదల చేసింది. జూన్ 3, 2022న థియేటర్లలో ప్రపంచవ్యాప్తంగా విడుదలయ్యే మా "విక్రమ్" కోసం నేనూ ఆతృతగా ఎదురుచూస్తున్నాను అని కమల్ హాసన్ ప్రకటించారు.
విజయ్ సేతుపతి విలన్‌గా నటిస్తుండగా, ఫహద్ ఫాసిల్ పవర్ ఫుల్ పాత్రలో కనిపించనున్నాడు. కమల్ హాసన్ ప్రధాన పాత్రలో నటించడమే కాకుండా, రాజ్ కమల్ ఫిల్మ్స్ ఇంటర్నేషనల్ బ్యానర్‌పై ఆర్ మహేంద్రన్‌తో కలిసి ఈ చిత్రాన్ని కూడా నిర్మిస్తున్నారు. ఈ చిత్రంలో కాళిదాస్ జయరామ్, నరైన్, అర్జున్ దాస్ మరియు శివాని నారాయణన్ కూడా సహాయక పాత్రల్లో నటిస్తున్నారు.
