Select Your Language

Notifications

webdunia
webdunia
webdunia
webdunia

టాలీవుడ్ హీరోయిన్ నిధి అగర్వాల్‌కు ఆలయం.. ఎక్కడ?

Advertiesment
Nidhi Agerwal
, సోమవారం, 15 ఫిబ్రవరి 2021 (09:20 IST)
తెలుగు ఇండస్ట్రీలోకి ఇటీవలే అడుగుపెట్టిన హీరోయిన్ నిధి అగర్వాల్. పవర్ స్టార్ పవన్ కళ్యాణ్ సరసన నటించే లక్కీ ఛాన్స్ కొట్టేసింది. ఈ క్రమంలో ఆమెకు అభిమానులు ఆలయం నిర్మించారు. 
 
ప్రేమికుల దినోత్సవం సందర్భంగా ఆమెకు అభిమానులు ఓ బహుమతిని పంపించారు. దీన్ని చూసి నిధి ఒకింత షాక్‌కు గురైంది. తనకు గుడి కట్టి, అందులో విగ్రహానికి అభిమానులు పాలభిషేకం చేశారని ఆమెనే స్వయంగా చెప్పింది. అసలు ఇది ఊహించనేలేదని, వారి ప్రేమకు ధన్యవాదాలు తెలిపింది.
 
ప్రేమికుల దినోత్సవం కానుకగా తమిళనాడు రాష్ట్రంలో నిధి అగర్వాల్ విగ్రహానికి, కొందరు తెలుగు, తమిళ అభిమానులు పాలతో అభిషేకం చేశారు. ఆ ఫొటోల్ని కొందరు నిధికి సోషల్ మీడియాలో పంపించారు. దీంతో ఆమె షాకైంది. గతంలో తమిళంలో ఎమ్​జీఆర్, ఖుష్బూ, నమిత, హన్సిక లాంటి పలువురు నటీనటులకు గుడి కట్టారు.
 
నిధి అగర్వాల్ తమిళంలో నటించిన తొలి రెండు సినిమాలు ఈ ఏడాది సంక్రాంతికే విడుదలయ్యాయి. 'భూమి' ఓటీటీలో, 'ఈశ్వరన్' థియేటర్లలో రిలీజైంది. తెలుగులో పలు చిత్రాలు చేసిన ఈ భామ.. ప్రస్తుతం పవన్​-క్రిష్ కాంబోలో తీస్తున్న ప్రాజెక్టులో నటిస్తోంది.

Share this Story:

Follow Webdunia telugu

తర్వాతి కథనం

పింక్ డ్రెస్‌లో సితార‌ అదిరింది!