టాలీవుడ్‌లో బంపర్ హిట్ అయిన తెలుగు సినిమా ''గీత గోవిందం'' హిందీలో రీమేక్ కానుంది. ఇప్పటికే యంగ్ స్టార్ విజయ్ దేవరకొండ నటించిన అర్జున్ రెడ్డి సినిమా హిందీలో రీమేక్ అవుతున్న నేపథ్యంలో.. గీత గోవిందం సినిమా కూడా రీమేక్ చేసేందుకు నిర్మాతలు సన్నద్ధమవుతున్నారు. ''దఢక్'' యాక్టర్ ఇషాన్ కట్టర్ హీరోగా ఈ సినిమా రీమేక్ కానుందని తెలుస్తోంది.
త్వరలోనే హీరోయిన్, దర్శకుడి ఎంపిక వుంటుందని బిటౌన్ వర్గాల సమాచారం. అయితే అతిలోక సుందరి కుమార్తె జాన్వీకపూర్‌ను హీరోయిన్‌గా తీసుకునే అవకాశం వుందని.. లేకుంటే రష్మికనే హీరోయిన్‌గా బిటౌన్ తెరంగేట్రం చేసే అవకాశాలు లేకపోలేదని సినీ జనం అభిప్రాయపడుతున్నారు.
తెలుగులో విజయ్ దేవరకొండ, రష్మిక నటించిన గీత గోవిందం సినిమా గత ఏడాది (2018) ఆగస్టు 15వ తేదీన విడుదలైన సంగతి తెలిసిందే. ఈ సినిమాను బన్నీ వాసు తెరకెక్కించగా, గీతా ఆర్ట్స్ సంస్థపై ప్రముఖ నిర్మాత అల్లు అరవింద్ నిర్మాణ సారథ్యం వహించారు.
తెలుగు గీత గోవిందం సినిమాలో విజయ్ దేవరకొండ, రష్మిక మందన, వెన్నెల కిషోర్, సుబ్బరాజు, రాహుల్ రామకృష్ణ, సంధ్య జానక్, కల్యాణి ఎన్, అభయ్ తదితరులు నటించిన ఈ సినిమాను రూ.10వేల కోట్లతో తెరకెక్కించారు. అయితే రూ.130కోట్ల మేర గీత గోవిందం కలెక్షన్ల వర్షం కురిపించింది.
