టాలీవుడ్ అగ్రహీరో ప్రభాస్‌ను ఉద్దేశిస్తూ బాలీవుడ్ నటుడు అర్షద్ వార్సీ చేసిన వివాదాస్పద వాఖ్యలపై మరో టాలీవుడ్ హీరో నాని ఇటీవల కామెంట్స్ చేశారు. ప్రభాస్‌పై విమర్శలు చేయడం వల్ల అర్షద్ వార్సీకి గతంలో ఎప్పుడు లేనంత పబ్లిసిటీ లభించిందంటూ వ్యంగ్యాస్త్రాలు సంధించారు. ప్రస్తుతం ఈ కామెంట్స్ ఇపుడు వైరల్ అయ్యాయి. దీంతో సోషల్ మీడియాలో ఒక్కసారిగా నాని వర్సెస్ అర్షద్ వర్సీ అన్నట్టుగా పరిస్థితి మారిపోయింది. హీరో నాని కంటే అర్షద్ మంచి నటుడు అంటూ, అర్షద్ సినిమా హయ్యెస్ట్ వసూళ్ల కంటే నాని రెమ్యూనిరేషన్ ఎక్కువంటూ సోషల్ మీడియాలో నెటిజన్లు రెండు వర్గాలుగా విడిపోయి కామెంట్స్ చెస్తున్నారు.
ఇక "సరిపోదా శనివారం" హిందీ వెర్షన్ ప్రమోషన్స్‌ కోసం ముంబైకు వెళ్లిన నాని.. అర్షద్‌పై తాను చేసిన కామెంట్స్‌కు చింతిస్తున్నట్లు మిడ్ డే‌కు తెలిపారు. అర్షద్ వార్షి చాలా గొప్ప నటుడని ఉత్తరాది లేదా దక్షిణాది అని కాదు భారతదేశం మొత్తం ఆయన్ని ఇష్టపడుతుందని అన్నాడు. మున్నాభాయ్ సినిమాతో అర్షద్ దేశవ్యాప్తంగా అందరికీ చేరువయ్యాడని నాని గుర్తుచేశారు.
అలాగే నటులుగా ఉన్నప్పుడు మాట్లాడే మాటల విషయంలో చాలా జాగ్రత్తగా ఉండాలని తనకు అర్థమైందని.. పదాల ఎంపికలోనూ జాగ్రత్తలు తీసుకోవాల్సి ఉంటుందని. అలా చేయకపోవడం వల్ల అటు అర్షద్ ఇటు తాను బాధితులమయ్యామని నాని అన్నారు. ప్రభాస్‌ గురించి ఆయన చేసిన కామెంట్స్ నేనూ విన్నాను. అర్షద్‌ని ఉద్దేశించి నేను చేసిన కామెంట్స్ ఏవిధంగా వైరల్‌గా మారాయో, అర్షద్ కామెంట్స్ కూడా అలానే వైరల్‌గా మారాయి. తన వ్యాఖ్యలు మరోవిధంగా ప్రజల్లోకి వెళ్లాయని నాని తెలిపారు.
