ఛాన్సు ఇప్పిస్తానని అమ్మాయిలతో బడా నిర్మాత జల్సా... రెడ్ హ్యాండెడ్‌గా దొరికిపోయాడు
సినిమా ప్రపంచంలో వెలుగునీడలు మామూలే. వెలిగిపోయేవారు ఉవ్వెత్తున స్టార్ల మాదరిగా కనబడుతూ ప్రేక్షకుల గుండెలను గుల్ల చేస్తుంటారు. అవకాశాలు వచ్చినట్లే వచ్చి చేజారిపోయి ఫేడవుట్ అయిపోయినవారికి ఇక సినిమా అవకాశాలు రాకుండా పోతాయి. అలాంటివారితోపాటు సినిమాల్లో న
సినిమా ప్రపంచంలో వెలుగునీడలు మామూలే. వెలిగిపోయేవారు ఉవ్వెత్తున స్టార్ల మాదరిగా కనబడుతూ ప్రేక్షకుల గుండెలను గుల్ల చేస్తుంటారు. అవకాశాలు వచ్చినట్లే వచ్చి చేజారిపోయి ఫేడవుట్ అయిపోయినవారికి ఇక సినిమా అవకాశాలు రాకుండా పోతాయి. అలాంటివారితోపాటు సినిమాల్లో నటించాలనే కుతూహలంతో సినీ ఇండస్ట్రీకి వచ్చి మోసగాళ్ల చేతిలో పడి మోసపోయేవారు ఉన్నారు. ముఖ్యంగా యువతులు ఎక్కువగా మోసపోయి తమ జీవితాలను చీకట్లోకి నెట్టేసుకుంటారు. వారి ఆశలను ఆసరాగా చేసుకుని కొందరు ఇండస్ట్రీ ముసుగులో అమ్మాయిలను లొంగదీసుకుని వారి జీవితాలను నాశనం చేస్తుంటారు. తాజాగా ఇలాంటి ఉదంతమే తమిళనాడులో జరిగింది.
ఆమధ్య కొన్ని కోట్ల రూపాయలు కాజేసి ఇండస్ట్రీ నుంచి మాయమైపోయినట్లు చెప్పుకున్న తమిళ నిర్మాత వేందర్ మూవీస్ మదన్ తాజాగా పట్టుబడ్డాడు. ఇతడు తను కాజేసిన డబ్బుతో అందమైన అమ్మాయిలకు సినిమా ఛాన్సులు ఇప్పిస్తానని చెప్పి వారిని లొంగదీసుకున్నట్లు తేలింది. ఇద్దరు భార్యలున్న మదన్ మామూలోడు కాదంటున్నారు.
సినిమా ఛాన్సులే కాదు మెడికల్ సీట్లు కూడా ఇప్పిస్తానంటూ కోట్లకు కోట్లు కాజేసినట్లు సమాచారం. ఇతడు ఉన్నత చదువులు చదవడంతో ఆంగ్లం, హిందీ బాగా మాట్లాడుతాడనీ, అందువల్ల తనతోపాటు అమ్మాయిలను ఉత్తరాదికి తీసుకెళ్లి అక్కడ జల్సాలు చేస్తున్నట్లు కనుగొన్నారు. పక్కా ప్రణాళికతో తమిళనాడు పోలీసులు వల వేసి ఇతడిని తిరుపూర్లో పట్టుకున్నారు.
