లెంపలేసుకున్న తాప్సీ... రాఘవేంద్రరావుకు క్షమాపణలు (Video)
దర్శకేంద్రుడు కె.రాఘవేంద్రరావును కించపరిచేలా వ్యాఖ్యానించిన నటి తాప్సీ.. ఎట్టకేలకు చేసిన వ్యాఖ్యలకు లెంపలేసుకున్నారు. పనిలోపనిగా దర్శకేంద్రుడికి కూడా క్షమాపణలు చెప్పారు.
దర్శకేంద్రుడు కె.రాఘవేంద్రరావును కించపరిచేలా వ్యాఖ్యానించిన నటి తాప్సీ.. ఎట్టకేలకు చేసిన వ్యాఖ్యలకు లెంపలేసుకున్నారు. పనిలోపనిగా దర్శకేంద్రుడికి కూడా క్షమాపణలు చెప్పారు.
ఇటీవల ఓ కార్యక్రమంలో తన తొలి చిత్రంలో దర్శకేంద్రుడు రాఘవేంద్రరావుతో తనకు ఎదురైన అనుభవాలను వివరిస్తూ, ఎందరో హీరోయిన్లపై పూలు, పండ్లు విసిరిన ఆయన, తన బొడ్డుపై కొబ్బరి చిప్పలు విసిరేశారంటూ వ్యంగ్యంగా వ్యాఖ్యానించారు. ఈ వ్యాఖ్యలు టాలీవుడ్‌ వ్యాప్తంగా కలకలం రేపాయి.
దీనిపై ఓ టీవీ చానల్‌కు ఇంటర్వ్యూ ఇస్తూ, తాప్సి తన వివరణ చెప్పుకొచ్చింది. ఆ కార్యక్రమం పావు గంట పాటు సాగిందని, మిగతా భాగాన్ని వదిలేసి, కేవలం 10 సెకన్ల బిట్‌ను పదే పదే చూపి తనపై తప్పుడు ప్రచారాన్ని చేశారని ఆరోపించింది.
మొత్తం వీడియోను చూడకుండా, తానన్న మాటలు వినకుండా రాద్ధాంతం చేశారని తాప్సీ ఆరోపించింది. ఈ విషయంలో రాఘవేంద్రరావు బాధపడ్డారని తనకు తెలిసి, ఆయనకు క్షమాపణలు చెప్పానని, అసలు విషయాన్ని చెబుతూ తాను స్వయంగా మాట్లాడానని ఆయన కూడా తనను ఆశీర్వదించారని అంది. తనకు తెలుగు సినిమాలన్నా, తెలుగువారన్నా ఎంతో ఇష్టమని ఆమె చెప్పుకొచ్చింది.
