మెగాస్టార్ చిరంజీవి పెద్ద కుమార్తె సుశ్మిత మ‌రోసారి నిర్మాత‌గా మార‌బోతున్నారు. ఇప్ప‌టికే ఆమెకు సినీరంగంలో ప‌లు రంగాల‌పై ప‌ట్టు సాధించారు. ఆమె ఫ్యాష‌న్ డిజైన‌ర్‌. జై చిరంజీవ సినిమాకు తొలిసారిగా ఫ్యాష‌న్ డిజైన‌ర్‌గా ప‌నిచేశారు. ఇక ఆ త‌ర్వాత చిరంజీవి న‌టించిన `ఖైదీనెం. 150`, రామ్ చ‌ర‌ణ్ న‌టించిన `రంగ‌స్థ‌లం` సినిమాల‌కు కాస్ట్యూమ్స్ డిజైన‌ర్‌గా కూడా ప‌నిచేశారు. ఆమె నిర్మాత‌గా శ్రీ‌కాంత్‌తో `షూట్ అవుట్ ఆలేరు` అనే వెబ్ సిరీస్ నిర్మించారు.
తాజా స‌మాచారం మేర‌కు సుశ్మిత ఓ సినిమా నిర్మాణం చేయ‌బోతోంది. ఆమె స్వంత బేన‌ర్ అయిన గోల్డ్ బాక్స్ ఎంట‌ర్‌టైన్‌మెంట్‌పై నిర్మాత‌గా మారుతుంది. త‌మిళ సినిమా `ఎట్టుతొట్ట‌క‌ళ్లం` అనే సినిమాను తెలుగులో తీయ‌బోతుంది. ఇందులో `ఏక్ మినీ క‌థ` హీరో సంతోష్ శోభన్ న‌టించ‌నున్నాడు. ఆయ‌న ప‌క్క‌న త‌మిళ సినిమా `96` ఫేమ్ గౌరీ న‌టించ‌నుంది. దీనికి త‌మిళ ద‌ర్శ‌కుడు శ్రీ‌గ‌ణేష్ ద‌ర్శ‌క‌త్వం వ‌హించ‌నున్నాడు. పూర్తి వివ‌రాలు త్వ‌ర‌లో తెలియ‌నున్నాయి.
