మెహర్ రమేష్ దర్శకత్వంలో శరవేగంగా తెరకెక్కుతున్న భోళా శంకర్ చిత్రంలో జాతీయ అవార్డు గ్రహీత నటి కీర్తి సురేష్ చిరంజీవి సోదరిగా నటిస్తున్న సంగతి తెలిసిందే. సుశాంత్ కూడా భోలా శంకర్ సినిమాలో నటిస్తున్నాడు. ఇందులో కీర్తి సురేష్ బాయ్‌ఫ్రెండ్‌గా సుశాంత్ కనిపించనున్నాడు.
అక్కినేని కుటుంబం నుంచి హీరో సుశాంత్ టాలీవుడ్‌లోకి అడుగుపెట్టి 15 ఏళ్లు పూర్తయ్యాయి. ‘కాళిదాసు’ సినిమాతో సినీ రంగ ప్రవేశం చేశారు. సుశాంత్‌కు బలమైన నటనా వారసత్వం ఉన్నప్పటికీ స్టార్‌డమ్‌ను అందుకోలేకపోయాడు. ఒకట్రెండు సినిమాలు తప్ప మిగతా సినిమాలు ప్రేక్షకులను మెప్పించలేకపోయాయి. దాంతో సుశాంత్ రూట్ మార్చాడు.
అల్లు అర్జున్, పూజా హెగ్డే ప్రధాన పాత్రల్లో నటించిన ‘అలా వైకుంఠపురములో’ సినిమాతో రెండో హీరోగా మారాడు. తమిళ హిట్ మూవీ ‘వేదాళం’కి రీమేక్‌గా రూపొందుతున్న భోళాశంకర్ సినిమాలో కీర్తి సురేష్ బాయ్‌ఫ్రెండ్‌గా సుశాంత్ నటిస్తాడని యూనిట్ ప్రకటించింది. ఈ సినిమా ద్వారా సుశాంత్ మంచి మార్కులు వేసుకుంటాడని టాక్ వస్తోంది.
భోళా శంకర్ మెగాస్టార్‌ను మాస్ హీరోగా మళ్లీ తెరపై చూడనున్నారు. ఇందులో కీర్తి సురేష్ నటన సినిమాకు హైలైట్ కానుంది. మరోవైపు, మార్చి 30న గ్రాండ్ రిలీజ్‌కు సిద్ధమవుతున్న నాని నటించిన దసరాలో కీర్తి సురేష్ నటిస్తున్న సంగతి తెలిసిందే.
