డార్లింగ్ ప్రభాస్ పుట్టినరోజును పురస్కరించుకుని రాధేశ్యామ్ సినిమా నుంచి పోస్టర్లు, బీజీఎంలు విడుదలైన సంగతి తెలిసిందే. అలాగే డార్లింగ్‌కు సినీ ప్రముఖులు, ఫ్యాన్స్ సోషల్ మీడియా వేదికగా శుభాకాంక్షల వర్షం కురిపించారు. ఇదే తరహాలో ప్రభాస్ సహచర హీరోలు కూడా విషెస్ తెలిపారు. ఈ క్రమంలో ప్రభాస్ పుట్టినరోజుకు కూడా మహేష్ బాబు తన హృదయపూర్వక శుభాకాంక్షలు తెలియజేశారు.
''పుట్టినరోజు శుభాకాంక్షలు, ప్రభాస్ మీకు అనంతమైన విజయం, ఆనందం అలాగే శాంతి ఎల్లప్పుడూ ఉండాలని కోరుకుంటున్నాను.. అని మహేష్ చాలా ఫ్రెండ్లిగా పేర్కొన్నారు. అలాగే ఇన్‌స్టాగ్రామ్‌లో అర్జున్ సినిమా ఈవెంట్‌కి సంబంధించిన ఒక ఫొటో కూడా పోస్ట్ చేశాడు. అప్పుడు ప్రభాస్ స్పెషల్ గెస్ట్‌గా వచ్చాడు. అంతా బాగానే ఉంది. కానీ మొదట ట్వీట్ చేసినప్పుడు మహేష్ బాబు ఒక పొరపాటు చేశాడు.
ప్రభాస్ ఐడి అనుకోని ఎవరిదో ఫేక్ ఎకౌంట్ అడ్రస్‌తో ట్యాగ్ చేశాడు. అయితే ప్రభాస్‌కి ట్విట్టర్ ఎకౌంట్ లేకపోవడంతో ఆడియెన్స్ షాక్ అయ్యారు. ఆ ఎకౌంట్ ఓపెన్ చేయడంతో రాకేష్ అనే మరో పేరు చూపించింది. ఇక కొద్దీ సేపటికి తన పొరపాటు తెలుసుకున్న మహేష్ వెంటనే ట్యాగ్ తీసేశాడు.
మహేష్ బాబు స్టార్ హిరోలందరితో కూడా స్నేహంగా ఉండాలని కోరుకుంటాడని మరోసారి రుజువైంది. ఇక రామ్ చరణ్, జూనియర్ ఎన్టీఆర్, వంటి స్టార్స్‌తో కూడా క్లోజ్‌గా ఉండే మహేష్ వారి పుట్టినరోజు సందర్భంగా కూడా చాలా సార్లు తన బర్త్ డే విషెస్ అందించాడు. ఇక ఇప్పుడు ప్రభాస్‌కి బర్త్ డే విషెస్ అంధించడంతో అభిమానులు ఆ ట్వీట్‌ని వైరల్ అయ్యేలా రీట్వీట్ చేస్తున్నారు. ప్రస్తుతం సూపర్ స్టార్ సర్కారు వారి పాట సినిమా కోసం రెడీ అవుతున్న సంగతి తెలిసిందే.
