సూపర్ స్టార్ మహేష్ బాబు ఎలాంటి సినిమా చేసినా అందులో కటౌట్‌కి సెట్టయ్యే స్టిల్స్ చాలానే ఉంటాయి. ప్రస్తుతం చేస్తోన్న ‘సరిలేరు నీకెవ్వరు’ సినిమాలో కూడా అలాంటి కటౌట్స్ గట్టిగానే ఉన్నట్లు అర్ధమవుతోంది. సంక్రాంతికి విడుదలయ్యేందుకు సిద్ధమవుతున్న ఈ సినిమా హంగామా మొదలైపోయింది.
ఇంత‌కీ మేట‌ర్ ఏంటంటే... సూపర్ స్టార్ సూపర్ ఫ్యాన్స్ హైదరాబాద్‌లో సినిమాల అడ్డా.. ఆర్టీసీ క్రాస్ రోడ్స్‌లోని సుదర్శన్ 35MM థియేటర్ వద్ద ఈ 81 అడుగుల కటౌట్‌ని ఏర్పాటు చేశారు. మహేష్ గత సినిమాలు ఈ థియేటర్స్‌లో చాలా రికార్డులు క్రియేట్ చేశాయి. మురారి – అతడు సినిమాలు ఈ థియేటర్లో 175 రోజులకు పైగా ప్రదర్శింపబడ్డాయి.
మహేష్ బాబుకి సంబంధించిన ఏ సినిమా రిలీజ్ అయినా ఈ లొకేషన్లో కటౌట్ పడాల్సిందే. సరిలేరు నీకెవ్వరు సినిమాకు అనిల్ రావిపూడి దర్శకత్వం వహించిన విషయం తెలిసిందే. దిల్ రాజు - అనిల్ సుంకర సంయుక్తంగా నిర్మిస్తున్న ఈ ప్రాజెక్ట్ పైన అంచనాలు ఏ రేంజ్‌లో ఉన్నాయో ఇటీవల వచ్చిన టీజర్‌తో ఒక క్లారిటీ వచ్చేసింది. మ‌రి.. ఈసారి మహేష్ బాబు ఎలాంటి సెన్సేష‌న్ క్రియేట్ చేస్తాడో చూడాలి.
