డియో డియో అంటోన్న సన్నీలియోన్.. గరుడ వేగలో సన్నీ పాట (వీడియో)
రాజశేఖర్ హీరోగా, పూజా కుమార్ హీరోయిన్‌గా, సన్నీలియోన్ ఐటెంసాంగ్ చేస్తున్న సైన్స్ ఫిక్షన్ థ్రిల్లర్ సినిమా గరుడ వేగ విడుదలకు సిద్ధమైంది. ఈ సినిమా కోసం భారీ బడ్జెట్ కేటాయించారు. భారీ బడ్జెట్ మూవీగా తెరక
రాజశేఖర్ హీరోగా, పూజా కుమార్ హీరోయిన్‌గా, సన్నీలియోన్ ఐటెంసాంగ్ చేస్తున్న సైన్స్ ఫిక్షన్ థ్రిల్లర్ సినిమా గరుడ వేగ విడుదలకు సిద్ధమైంది. ఈ సినిమా కోసం భారీ బడ్జెట్ కేటాయించారు. భారీ బడ్జెట్ మూవీగా తెరకెక్కనున్న ఈ సినిమా నవంబర్ మూడో తేదీన విడుదల కానుంది. గుంటూరు టాకీస్ దర్శకుడు ప్రవీణ్ సత్తారు ఈ సినిమాకు దర్శకుడు.
ముఖ్యంగా జార్జియాలో 33 రోజుల పాటు తీసిన యాక్షన్ సన్నివేశాలు సినిమాకు హైలెట్‌గా నిలుస్తాయి. ఈ సినిమాకు సంబంధించి ఇప్పటికే కొన్ని ఫస్ట్ లుక్స్, టీజర్స్, మేకింగ్ వీడియోస్ విడుదలయ్యాయి. త్వరలోనే ఆడియో ఫంక్షన్ జరపనున్నారు. ఈ చిత్రానికి శ్రీచరణ్ సంగీతం అందిస్తే భీమ్స్ బ్యాక్ గ్రౌండ్ స్కోర్ ఇచ్చాడు. శ్రద్ధా దాస్, కిషోర్, నాజర్, పోసాని కీలకపాత్రలు పోషించిన ఈ సినిమాకు కోటేశ్వర రాజు నిర్మాత.
ఇక ఈ సినిమాలో బాలీవుడ్ న‌టి సన్నీ లియోన్ ఓ ఐట‌మ్ సాంగ్‌లో న‌ర్తించింది. ''డియో డియో'' అంటూ సాగే ఈ పాట లిరికల్ వీడియోను చిత్ర‌బృందం విడుదల చేసింది. భీమ్స్ సిసిరోలియో స్వ‌రాలు స‌మ‌కూర్చిన ఈ పాట‌ను గీతామాధురి, ర‌ఘు రామ్ ఆల‌పించారు. గతంలో మంచు మ‌నోజ్ ''క‌రెంట్ తీగ'' సినిమాతో సన్నీ లియోన్ తెలుగు తెరపై మొద‌టిసారి కనిపించనుంది. ''డియో డియో'' అంటూ సాగే పాట లిరికల్ వీడియోను చూడండి.
